တောင်းပန်ပါတယ်

ဒီBlogလေးကို ဖန်တီးချင်လွန်းလို့သာ ဖန်တီးလိုက်ရပေမယ့် တကယ်တမ်းတော့ ပညာသင်အဆင့်သာဖြစ်နေတဲ့ Bloggerအတွက် တင်စရာPostတွေက ဘာမျှမရှိပါဘူး။
ဒါကြောင့် Bloggerဖတ်ရှုလေ့လာခဲ့မိတဲ့ Blogများ၊ Websiteများ၊ Fb Pageများထဲက
သင့်လျော်မယ်ထင်ရတဲ့ အကြောင်းအရာများကို ကူးယူပြီး ဒီBlogမှာ ဖော်ပြရခြင်း ဖြစ်ပါတယ်။
မူရင်းPostပိုင်ရှင်များထံ ခွင့်မတောင်းဘဲ ကူးယူဖော်ပြခြင်းဖြစ်ပေမယ့်
မူရင်းPostပိုင်ရှင်များ Bloggerများက မေတ္တာကြီးစွာနဲ့ ခွင့်လွှတ်မယ်လို့ မျှော်လင့်မိပါတယ်။
အားလုံး ကိုယ်စိတ်နှစ်ဖြာ ကျန်းမာချမ်းသာနိုင်ကြပါစေဗျာ။

သင့်Englishစာ ဘာလို့ မတိုးတက်သေးတာလဲ?

ကျွန်တော့်ကို လူငယ်အချို့ကမေးလေ့ရှိပါတယ်။
သူတို့Englishစာဘာလို့ မတိုးတက်တာလဲတဲ့။ ဘယ်လိုလေ့လာမှEnglishစာကို ကောင်းကောင်းပြောတတ်မှာလဲတဲ့။ ကျွန်တော်ဒီဆောင်းပါးလေးကနေပဲအကြံပေးပါရစေ။
ကျွန်တော် အောက်မှာရေးပြထားတဲ့အချက်တွေထဲက သင်ဘယ်နှစ်ချက်လောက်ကျင့်သုံးနေပါလဲ? ဒီဆောင်းပါးလေးဖတ်ပြီးရင်တော့ သင့်အတွက်တစ်စုံတစ်ခု အကျိုးရှိမှာသေချာပါတယ်။
ကျွန်တော် မိုးရှင်း (I.M.T) သည်လည်း ဆရာကြီးတစ်ယောက်မဟုတ် သေးပါ။
သိသမျှကိုဝေမျှလိုသော စေတနာဖြင့်ရေးသားပါသည်။
(၁) Confidence ရှိပါ။
ဘယ်အရာပဲလုပ်လုပ် ကိုယ့်ကိုယ်ကိုယုံကြည်မှုရှိမှ အောင်မြင်မှာပါ။
ယုံကြည်မှုမရှိပဲ ခက်ခဲတဲ့အရာတွေကိုရင်ဆိုင်နိုင်မှာ မဟုတ်ပါဘူး။ ဘာသာစကားတစ်ခုကိုကျွမ်းကျင်ချင်တယ်ဆိုရင်တော့ အချိန်ယူရပါတယ်။
တစ်လအတွင်းသင်ပြီး သင်မတတ်မြောက်နိုင်ပါဘူး။
Confidence ရှိချင်ရင် ဒီဆောင်းပါးလေးဖတ်ကြည့်ပါ။ http://www.moeshinn.com/how-to-improve-confidence/
(၂) အလေးထားပါ။အာရုံစူးစိုက်ပါ။ (Focus!)
ဘယ်လိုနေရာမျိုးမှာဖြစ်ဖြစ်အောင်မြင်ချင်ရင် အာရုံစိုက်ရပါတယ်။ သင်ကယုံကြည်မှုလေးတော့ရှိပါတယ်။ အာရုံစူးစိုက်မှု မရှိရင်တော့ သင့်English စာတိုးတက်လာဖို့မလွယ်ပါဘူး။ သင်တန်းတစ်ခုသာတက်နေတာအာရုံစူးစိုက်မှုမရှိရင် ဘာမှအကျိုးမရှိပါဘူး။
အာရုံစူးစိုက်မှုအကြောင်း Bill Gates နဲ့ Warren Buffet ဘာပြောခဲ့လဲ သိချင်ရင် ဒီဆာင်းပါးလေးဖတ်ကြည့်ပါ။ http://www.moeshinn.com/bill-gates-and-warren-buffetts-sug…/
(၃) ရည်မှန်းချက်ရှိပါ။
ရည်မှန်းချက်မရှိတဲ့သူတွေဟာဘယ်တော့မှအာရုံမစူးစိုက်နိုင်ပါဘူး။
Englishစာသင်တန်းကိုရည်းစားရအောင်၊အိမ်က စိတ်ချမ်းသာအောင် စသဖြင့်ရည်ရွယ်ချက်တွေနဲ့တက်နေလို့ကတော့ ဘယ်တော့မှတိုးတက်မှာ
မဟုတ်ပါဘူး။ သင်အဲ့ဒိလို လူမျိုးတွေလည်း မြင်ဖူးပါလိမ့်မယ်။ တက်လိုက်တဲ့သင်တန်း၊ကုန်လိုက်တဲ့ငွေ၊တကယ့်တကယ်ကျတော့ အသက်သာ တစ်နေ့ထက်တစ်နေ့ကြီးလာတယ် သိတဲ့အသိကတော့ အသက်နဲ့အတူမကြီးလာပါဘူး။ ဒါကြောင့် ရည်မှန်းချက်ထားပါ။ တစ်နေ့ကျရင်(သို့မဟုတ်) တစ်နှစ်လေ့လာပြီးရင်
ကျွမ်းကျင်စွာပြောကိုပြောတတ်ရမယ်လို့ ရည်မှန်းချက်ထားပါ။
ရည်မှန်းချက်ပျောက်နေတယ်ထင်ရင် ဒီဆောင်းပါးလေးဖတ်ကြည့်ပါ။
http://www.moeshinn.com/difficult-to-answer-what-your-ambi…/
(၄) ရည်မှန်းချက်ကိုသစ္စာရှိပါ။
တစ်ချို့ကရည်မှန်းချက်လေးတော့ထားပါရဲ့။ တကယ့်တကယ်ကျတော့ ညဘက်Facebookမှာအချိန်ကုန်လိုက်၊Candy Crush, Clash of Clans စသဖြင့်ဂိမ်းပေါင်းစုံမှာအချိန်ကုန်လိုက်နဲ့ ဘယ်တော့မှပြန်မရနိုင်တော့တဲ့
အချိန်တွေကို ကောင်းကောင်းကြီးကို ဖြုန်းနေကြပါတယ်။ ဒါပေမယ့် သူတို့မေးတဲ့မေးခွန်းက “ကျွန်တော့်Englishစာတိုးတက်အောင် ဘယ်လိုလုပ်ရမလဲတဲ့”။ သူတို့ကတောင်ပေါ်ကိုတက်ချင်တယ်။ ဒါပေမယ့်တောင်အောက်မှာဆော့ရင်းနဲ့အချိန်ဖြုန်း နေတယ်။ ပြီးတော့တောင်ပေါ်ကလူကို အဲ့ဒိကိုလာဖို့ဘာလုပ်ရမလဲလို့လှမ်းမေးတယ်။ အဖြေကရှင်းပါတယ်။
ဆော့နေတာရပ်ပြီး တောင်ပေါ်စတက်ပေါ့။ တောင်ပေါ်တက်နေရင်း အခက်အခဲရှိလို့မေးတဲ့သူမျိုးကို
ဖြေရတာအကျိုး ရှိပါတယ်။ ဘာလို့လည်းဆိုတော့ လူတော်တော်များများ
တောင်ပေါ်ကိုရောက်ဖို့အသည်းအသန်တက်နေကြပြီ။ တောင်အောက်
မှာ ဆော့ရင်းတစ်သက်လုံးပျော်ရွှင်နိုင်တယ်ဆိုရင်တော့ကိစ္စမရှိပါဘူး။
တောင်ပ်ါတက်ချင်ရင်တော့ စတက်တော့နော်။ ဒါကြောင့်ရည်မှန်းချက်
ထားရုံနဲ့လည်းမပြီးပါဘူး။ အဲဒီရည်မှန်းချက်ကို သစ္စာရှိပါ။
(၅) Time-table တစ်ခုထားပါ။သူ့ကိုလည်း သစ္စာရှိပါ။
သင့်မှာအရင်က Time-tableမရှိဘူးဆိုရင်လည်း အခုစပြီးဆွဲပါ။ တစ်နေ့တစ်နာရီပဲလေ့လာအုံး။သင့်Englishစာတိုးတက် နိုင်ပါတယ်။ ဆိုးတာက တစ်ချို့သူတွေက တစ်နာရီလေးတောင်အချိန်မပေးချင်ကြပါဘူး။ ဒါပေမယ့် နှေးကွေးတဲ့connection နဲ့ညနက်သန်းခေါင်တက်လာမယ့်Facebook Status တွေကိုတော့
စောင့်ကြည့်တတ်ကြပါတယ်။ သင်တစ်နေ့ကို တစ်နာရီလောက်အချိန်မပေးပဲနဲ့ သင့်Englishစာအမြန်ဆုံး
တိုးတက် ချင်တာကတော့ ရူးသွပ်လွန်းတယ်လို့ပဲပြောပါ ရစေ။ နှစ်ပေါင်းများစွာကြာမှ တိုးတက်ရင်လည်း
ရပါတယ်ဆိုရင်တော့ သင်လုပ်နေကျအတိုင်းသာဆက်လုပ်ပါ။
ဒါမှမဟုတ် အမြန်ဆုံးတိုးတက်ချင်ပါတယ်ဆိုရင်တော့ အခုကစပြီး တစ်နေ့ကိုတစ်နာရီတော့အချိန်ပေးပါ။ မအားဘူးလို့တော့ ဆင်ခြေမပေးပါနဲ့။ လိုလျှင်ကြံဆ နည်းလမ်းရတဲ့။ “အချိန်မရဘူးလို့ ဘယ်တော့မှ ဆင်ခြေပေးလေ့မရှိပါဘူး။” ကျွန်တော်စလေ့လာတုန်းကBusကားတိုးစီးရင်းနဲ့ လည်း Listening လေ့ကျင့်ပါတယ်။ ပိုက်ဆံမရှိတာတောင် စာအုပ်အဟောင်းလေးတွေ ၀ယ်ဖို့ပိုက်ဆံစုပါတယ်။ BBC Radio Program ကိုတစ်လုံးမှနားမလည်ပဲနဲ့ Radioအစုတ်လေးနဲ့
ရအောင်နားထောင် ခဲ့ဖူးပါတယ်။ ကျွန်တော့်Time-tableကိုလည်းကျွန်တော်သစ္စာရှိခဲ့ပါတယ်။
(၆) မရှက်ပါနဲ့။
အပေါ်ကအချက်မှာပြောခဲ့သလိုပဲ ဘာသာစကားတစ်ခုကို တတ်ကျွမ်းချင်ရင် ရူးသွပ်ရပါတယ်။အစမှာတော့ဘယ်သူမှ အသံထွက်မှန်မှာမဟုတ်ပါဘူး။ ဒါကိုလည်း လူတွေကရယ်ချင်ရယ်မှာပေါ့။သင်ရော သူများအသံ
ထွက်မှားရင် မရယ်ပဲနေနိုင် လို့လား။ ဒါကရှက်စရာမဟုတ်ပါဘူး ။ရယ်ရလို့ရယ်ကြတာပါ။ လူ့သဘာဝပါပဲ။အဲ့ဒါကြီးကို အာရုံစိုက်နေလို့ကတော့ ဘယ်တော့မှပြောရဲလာမှာမဟုတ်ပါဘူး။ မိမိဘာသာစကားမဟုတ်တဲ့အရာတစ်ခုကို သင်ယူနေတာ မှားတာကသဘာဝပါ။ ရှက်စရာမဟုတ်ပါဘူး။ ပြောရဲတာဂုဏ်ယူစရာပါ။
(၇) ပြောရဲပြီးရင် အသံထွက်ကောင်းအောင်လုပ်ပါ။
ပြောရဲတာကတော့ဟုတ်ပါပြီ။ ဒါပေမယ့် တစ်လနေလည်း
အသံထွက်က မကောင်း၊ ၅လနေလည်း အသံထွက်က တစ်စက်မှမမှန်၊ တစ်နှစ်နေလည်း အသံထွက်မတိုးတက်ဆိုရင်တော့ မဟုတ်သေးပါဘူး။ စသင်သင်ချင်းမှားတာက သဘာဝဖြစ်ပေမယ့် အချိန် အကြာကြီးလေ့လာပြီးတာတောင် မတိုးတက်သေးရင်တော့ သင့်ကိုယ်သင် ပြန်သုံးသပ်ဖို့လိုပါပြီ။ ဘာလို့အသံထွက်မကောင်းတာလဲ? အသံထွက်တိုးတက်အောင်ဘယ်လိုလုပ်မလဲ?
ဒီအတွက်တော့ ဒီနေရာမှာအကျယ်ကြီးမရေးချင်တော့ ပါဘူး။ ကျွန်တော်ရေးထားတဲ့ အောက်ပါဆောင်းပါး
လေးကိုဖတ်ဖို့ပဲအကြံပေးချင်ပါတယ်။
Englishစာအမြန်ဆုံးတိုးတက်ချင်ရင် ဒီဆောင်းပါးလေးဖတ်ကြည့်ပါ။
http://www.moeshinn.com/how-to-improve-your-english-quickly/
(၈)လေ့လာတတ်ပါစေ။
အကြာကြီးလေ့လာပြီးမှ မတိ်ုးတက်ဖူးဆိုရင်တော့ သင်ဗျူဟာမှားနေပါပြီ။ ဘာသာစကားလေ့လာရင် ပါးနပ်ရပါတယ်။ ဘယ်ဟာအရေးအကြီးဆုံးလဲ သိရပါတယ်။ သင်ဘာလို့အဲ့ဒိဘာသာစကားကိုသင်တာလဲ ပြန်သုံးသပ်ပါ။ များသောအားဖြင့်တော့ communicateလုပ်ဖို့သင်ယူကြတာပါ။ ဒါကြောင့် Speaking Skill ကအရေးကြီးဆုံးပါ။ ဒါပေမယ့် သင်ကBest Seller စာရေးဆရာတစ်ယောက်ဖြစ်ချင်တာလား။ ဒါဆိုရင်တော့ Writing ကိုပိုအာရုံစိုက်ပေါ့။ Speaking Skillကတကယ်တော့ Skill လေးခုထဲမှာအလွယ်ဆုံးပါပဲ။ မှန်ကန်တဲ့နည်းဗျူဟာလေးပဲလိုတာပါ။ ဆိုရိုးလေးတစ်ခုရှိပါတယ်။
 “English is easy to learn but difficult to master” တဲ့။ သင်ဖို့လွယ်တယ် ဆရာကျဖို့ခက်တယ်တဲ့။ ဟုတ်ပါတယ်ပြောတတ်ရုံပဲပြောတတ်ချင်ရင် ထင်သလောက်မခက်ပါဘူး။
(၉)အင်တာနက်ကို အကျိုးရှိစွာသုံးတတ်ပါစေ။
အင်တာနက်ကိုအကျိုးရှိစွာအသုံးပြုတတ်ရင်တော့ သင့်Englishစာတိုးတက်တာ မြန်လာပါလိမ့်မယ်။ အသံဖိုင်တွေ အများကြီး Downloadလုပ်လို့ရပါတယ်။ ဗီဒီယိုတွေကြည့်လို့်ရပါတယ်။ ကွန်နက်ရှင်မကောင်းဘူးလို့တော့ဆင်ခြေမပေးပါနဲ့။ ကျွန်တော်လည်း ကွန်နက်ရှင်ကောင်းတဲ့ အင်တာနက်ဆိုင်ရှာပြီး ကြိုးစားခဲ့တာပါ။
Englishစာကို အွန်လိုင်းမှာလေ့လာချင်ရင် ဒီဆောင်းပါးလေးဖတ်ကြည့်ပါ။
http://www.moeshinn.com/top-5-english-learning-websites/
(၁၀) စိတ်အားထက်သန်မှုရှိပါ။
စိတ်အားထက်သန်မှုမရှိတာကလည်း တော်တော်များများဖြစ်လေ့ရှိတဲ့ပြသနာပါပဲ။ လူငယ်တော်တော်များများက လေ့လာတာ နည်းနည်းကြာလို့ မတိုးတက်ရင် စိတ်ဓာတ်ကျ လွယ်တတ်ကြပါတယ်။ ပြီးတော့ စိတ်အားထက်သန်မှုကသင့်အတွက်တွန်းအားပါ။ စိတ်အားထက်သန်မှုမရှိတဲ့သူတွေက စိတ်ဓာတ်ကျလွယ်တတ်ပါတယ်။ စိတ်အားထက်သန်မှုက တွေ့ရမယ့်အခက်အခဲတွေထက်ကြီးမားမှ သင်ဖြတ်ကျော်နိုင်မှာပါ။
(၁၁) အားကျစရာပုဂ္ဂိုလ်ရှာပါ။
စိတ်အားထက်သန်ဖို့ဆိုတာက အားကျစရာလူတစ်ယောက်ရှိနေဖို့လည်း အရမ်းအရေးကြီးပါတယ်။ ဥပမာ- သင်တက်နေတဲ့သင်တန်းက ဆရာပြောတာကို ကြည့်ပြီးအားကျတာမျိုး၊ဒါမှမဟုတ် Englishစာကောင်းတဲ့သင့်သူငယ်ချင်းတစ်ယောက်ကိုကြည့်ပြီးအားကျတာမျိုးပေါ့။
နောက်ဆုံးဘယ်သူမှမရှိရင်လည်း Radio,TVတွေကNativeSpeakerတစ်ယောက်ယောက်ကို အားကျတာမျိုး ရှိနေသင့်ပါတယ်။ ဒါမှာ သင့်အတွက်တွန်းအားရှိနေမှာပါ။
(၁၂) ဘာသာစကားကိုတန်ဖိုးထားပါ။
ဘယ်အရာမဆိုသင်တန်ဖိုးထားမှာ တတ်မြောက်မှာပါ။ ဘာသာစကားကလည်းဒီလိုပါပဲ။ အပျော်မသင်ပါနဲ့။
စာမေးပွဲအတွက်၊ အင်တာဗျူးအတွက် မသင်ပါနဲ့။ ဘ၀အတွက်သင်ယူပါ။သင့်ကိုထမင်းကျွေးနိုင်တဲ့ဘာသာ
စကားတစ်ခု ဆိုတာမမေ့ပါနဲ့။ လေးစားပါ။ တန်ဖိုးထားပါ။အဲ့ဒိအကျိုးကျေးဇူးကိုသင်ပြန်လည် ရရှိပါလိမ့်မယ်။
တစ်နေ့ကိုရေတစ်ခွက် အနည်းဆုံးသောက်သလို Englishစာကို တစ်နေ့တစ်နာရီလောက်လေ့လာပါ။
(၁၃) အသံသွင်းထားပါ။
သင်ပြောတဲ့အသံထွက်တိုးတက်မှုရှိလားမရှိလား အသံသွင်းထားပြီးပြန်နားထောင်နိုင်ပါတယ်။
ဒါမှ သင့်အသံထွက်တိုးတက်အောင်လုပ်နိုင်မှာပါ။
(၁၄) ရူးသွပ်ပါ။
ရူးသွပ်ပါ။ မရူးသွပ်သ၍ တိုးတက်ဖို့မမြန်ဆန်နိုင်ပါဘူး။ ကျွန်တော်ဆိုအိပ်ရင်းနဲ့ထယောင်ရင်တောင် Englishလို ထယောင်တဲ့အထိ စွဲစွဲလမ်းလမ်းလေ့လာခဲ့ပါတယ်။ ပြောစရာ အဖော်ကလည်းမရှိခဲ့ပါဘူး။
နာက်ဆုံးတော့ပြောစရာအဖော်မရှိလည်း တစ်ယောက်ထဲပြောပြီး လေ့ကျင့် ခဲ့ပါတယ်။
 သူငယ်ချင်းတွေက “မင်းရူးနေလားလို့”မေးတော့“အေးဟုတ်တယ် ရူးနေတယ်”လို့ပဲပြောခဲ့ပါတယ်။ အခုတော့ သူတို့ပြောတဲ့စကားက“ငါ့ကို Englishစာသင်ပေးပါလားတဲ့” 
ပတ်ဝန်းကျင်ကို ဂရုစိုက်လွန်းရင် ဘယ်တော့မှပြောတတ်မှာမဟုတ်ပါဘူး။
(၁၅) အိပ်ရာခေါင်းရင်းမှာ စာရွက်တစ်ရွက်ကပ်ထားပါ။
သင်တစ်နေ့တာကျက်ဖို့ စာလုံးရေကိုသတ်မှတ်ထားပါ။ ၅လုံးလည်းရပါတယ်။ ၁၀လုံးလည်းရပါတယ်။သင်ကျက်မှတ်ဖို့ သတ်မှတ်ထားတဲ့ စာလုံးတွေကို အမြဲကျက်မှတ်ပါ။ မှတ်ထားသမျှစကားလုံးအားလုံး စကားပြောမှာပါအောင်သုံးပါ။
အဲ့လိုမသုံးရင်တော့သင်ကျက်ထားတာ ဘာမှကိုအကျိုးမရှိပါဘူး။ မကြာမီမေ့သွားမှာပါ။
စကားလုံးအသစ်တွေကျက်နည်းသိချင်ရင် ဒီဆောင်းပါးလေးဖတ်ကြည့်ပါ။
http://www.moeshinn.com/how-to-remember-new-english-words/
(၁၆) ပျော်စရာတွေနဲ့လေ့လာပါ။
စာအုပ်ဖတ်မှ Englishစာလေ့လာတာမဟုတ်ပါဘူး။ Movies တွေကြည့်ပါ။ Englishsongsတွေနားထောင်ပါ။Jokesတွေ ဖတ်ပါ။အများကြီး လုပ်စရာတွေရှိပါတယ်။ရုပ်ရှင်တွေကြည့်ပြီးဘယ်လိုလေ့လာသင့်လဲဆိုတာ
အောက်ပါLinkလေးမှာရေးပေးထားတယ်နော်။
ရုပ်ရှင်ကြည့်ပြီး Englishစာလေ့လာနည်းသိချင်ရင် ဒီဆောင်းပါးလေးဖတ်ကြည့်ပါ။
http://www.moeshinn.com/how-to-improve-your-english/
တတ်သလောက်၊သိသလောက်ဗဟုသုတများကို ဝေမျှခြင်း
သာဖြစ်ပါတယ်။ဆောင်းပါးလည်း တော်တော်ရှည်နေပြီဖြစ်တာကြောင့် ဒီနေရာမှာပဲရပ်ပါတော့မယ်။
 နောက်များမှာလည်း အကြံပေးဆောင်းပါးများရေးပေးသွားပါ့မယ်။
ကျွန်တော်ရေးတဲ့စာတွေကို ဖတ်တဲ့အတွက်ကျေးဇူးတင်ပါတယ်။
ကျွန်တော့်ဝက်ဘ်ဆိုဒ်လေးဖြစ်တဲ့ www.moeshinn.com မှာ Englishစာနဲ့ပက်သက်တာတွေအပြင် အခြားလေ့လာစရာတွေလည်း အများကြီးရှိတာမို့လာလည်ဖြစ်အောင်လာလည်ဖို့ ဖိတ်ခေါ်ပါရစေ။
မိုးရှင်း (I.M.T)

နောင်ပွင့်တော်မူမည့် အရိမေတ္တေယျဘုရားရှင်အကြောင်း

အလောင်းတော်နတ်သားက လူ့ပြည်ကိုဆင်းပြီး ပဋိသန္ဓေနေဖို့ရာအတွက် ဘုရားလောင်းတို့ရဲ့ ထုံးတမ်းအစဉ်အလာ ဓမ္မတာအရ ပဋိသန္ဓေယူတော့မယ်ဆိုရင် ကြည့်ခြင်းငါးပါး အရင်ကြည့်ပြီးမှ ပဋိသန္ဓေယူလေ့ရှိကြတယ်။
ကြည့်ခြင်းငါးပါးဖြင့်ကြည့်တော်မူခြင်းက-..
(၁)ဘုရားဖြစ်မည့်ခေတ်အခါကာလကား အနှစ်တစ်သိန်းမှစပြီး အောက်ဖြစ်သောကာလ အနှစ်တစ်ရာတန်းမှစပြီး အထက်ဖြစ်သောကာလ (တစ်သိန်းနှင့် တစ်သိန်းအောက်- ၁၀၀အထက်)
(၂)ဘုရားဖြစ်ရာကျွန်းကား ဇမ္ဗူဒိပ်ကျွန်း
(၃)ဘုရားပွင့်ရာဒေသကား မဇ္ဈိမဒေသ
(၄)ဘုရားလောင်းဖြစ်ရာ အမျိုးကား မင်းမျိုး ပုဏ္ဏားမျိုး
(၅)မယ်တော်၏အသက်အပိုင်းအခြားကား ဘုရားလောင်းမွေးပြီး ခုနစ်ရက်သာနေရခြင်း
ပဋိသန္ဓေယူုခြင်း...
ကေတုမတီပြည်………..သင်္ခစကြဝတေးမင်းနှင့်တိုင်ပင်ကြံစည်ဘက်ကိုးကွယ်ရာဖြစ်သော အတိတ် အနာဂတ်ကိုသိမြင်နိုင်ပြီးပစ္စုပန်သံသရာအစီးအပွားကို ဆုံးမတတ်သော သုဗြဟ္မပုဏ္ဏားကြီး၏ ဗြဟ္မဏဝတီပုဏ္ဏေးမဝမ်းမှာ ပဋိသန္ဓေနေလိမ့်မည်။
ဗြဟ္မဏဝတီပုဏ္ဏေးမဝမ်းမှာဆယ်လပြည့် တဲ့အခါမှာ ဣသိပတေနသမင်တောမှာ မယ်တော် ဗြဟ္မဏဝတီသည်ထိုင်လျက်လည်းမဟုတ် အိပ်လျက်လည်းမဟုတ်ဘဲ ရပ်လျက်သာလျှင် သစ်ပင်၏အကိုင်းအခက်ကိုကိုင်လျက် မေတ္တေယျကိုဖွားတော်မူလိမ့်မည်။ဘုရားလောင်းနဲ့အတူ တစ်ချိန်တည်းဖွားတော်မူတဲ့ဖွားဘက်တော် ၁၈ ကုဋေအားလုံးအမတ်တွေချည်းဖြစ်မယ်။ အဇိတဟူသောအမည်ကိုသာပေးလိမ့်မယ်။ ဘုရားလောင်းအဇိတမင်းသားဟာဖွားလျှင်ဖွားချင်း ခုနစ်ဖဝါးလှမ်းပြီး ခြေတော်ချတိုင်းချတိုင်း ကြာပွင့်တွေပေါ်ပေါက်လိမ့်မယ်။
ဖွားလျှင်ဖွားချင်း ခုနစ်လှမ်းလှမ်းပြီး "ယခုဘဝကား ငါ့အဖို့နောက်ဆုံးဘဝတည်း နောက်ထပ်ဘဝမရှိတော့ပြီ အာသဝေါကင်းသည် ဖြစ်သောကြောင့်ငြိမ်းအေးလတံ္တ့" ဟူသောစကားကိုအရပ်လေးမျက်နှာကို ကြည့်ပြီးပြောဆိုလိမ့်မယ်။
ပြာသာဒ်လေးဆောင်ပေါ်လာခြင်း...
အဇိတမင်းသားလောကစည်းစိမ်ခံစားဖို့ရာနေမင်း၏ရောင်ခြည်ကဲ့သို့ လူသားတွေမျက်စိဖြင့် စိန်းစိန်းမကြည့်ဝံ့တဲ့ အရောင်တလက်လက်ဖြင့် ရတနာအရောင် ထွန်းလင်းပြောင်တဲ့တင့်တယ်ခံ့ညားသော ပြာသာဒ်လေးဆောင် ပေါ်ပေါက်လာလ်ိမ့်မည်။ ပြာသာဒ်လေးဆောင်ကို တစ်ဆောင်မှာ ပရိဘောဂအသုံးအဆောင် အပြည့်အစုံပါတဲ့တိုက်ခန်းက ခုနစ်ထောင်စီ တစ်ဖက်တစ်ဖက်မှာ ပတ္တမြားကျောက်မျက်ရွဲစီသောနဝရတ်ကိုးပါးနဲ့ ပြည့်စုံသော ပလ္လင်ခုနစ်ထောင်စီ ရတနာခုနစ်ပါးနှင့်ပြည့်စုံသော ထီးဖြူခုနစ်ထောင်စီ ခုတင်ညောင်စောင်းခုနစ်ထောင်စီ ပြာသာဒ်တစ်ဆောင်ကို တိုက်ခန်းက ခုနစ်ထောင်စီဆိုတော့ ပြာသာဒ်လေးဆောင်ဆိုရင် တိုက်ခန်းပေါင်း ၂၈၀၀၀ ရှိမယ်။ ပြာသာဒ်တစ်ဆောင်တစ်ဆောင်ကို ရွှေအိုးကြီးကတစ်လုံးစီ။ ရွှေအိုးတစ်လုံးစီရဲ့အဝကား တစ်ယူဇနာကျယ်မယ်။ ရွှေအိုး၏အမောက်ကား မြေကြီးနဲ့အမျှအောက်မြေကြီးအဆုံးထိ သုံးလို့မကုန်ဘူး။ ဒါတင်မကသေးဘူး ရွှေအိုးတစ်လုံးစီမှာ ပဒေသာပင်ကြီးခြောက်ပင်စီ ပေါက်လိမ့်မယ်။ ပြာသာဒ်တစ်ဆောင် တစ်ဆောင်မှာ ဆဒ္ဒန်ဆင်မင်းခုနစ်ထောင် လောဟကသိန္ဓောမြင်း တစ်ထောင်ဖြင့် မောင်းနှင်ရသောရထားခုနစ်ရာ မောင်းမပေါင်းတစ်သောင်းခြောက်ေ ထာင်က ဆိုတီးမှုတ်ဖြေဖျော်ဖို့ရာ ကချေသည်အမျိုးသမီးခုနစ်ထောင်တို့ ဖြင့်ဖျော်ဖြေကြလိမ့်မည်။
အဇိတမင်းသားအိမ်ထောင်ပြုခြင်း...
အချိန်တန်လို့အရွယ်ရောက်တဲ့အခါ စန္ဒမုက္ခီအမျိုးသမီးနဲ့အိမ်ထောင်ပြုလိမ့်မည်။ စန္ဒမုက္ခီအမျိုးသမီးကလည်း သူမတူ နတ်သမီးတမျှအလွန်လှပပြီး သူ့ရဲ့ခန္ဓာကိုယ်အနံ့ကား စန္ဒကူးသရက္ခန်အနံ့လိုမွှေးကြိုင်နေမယ်။ ခန္ဓာကိုယ်အသားကလည်း ဝါဂွမ်းကဲ့သို့ နူးညံ့မယ်။ ခန္ဓာကိုယ်အရောင်က ဆယ့်နှစ်တောင်အတွင်း မီးမထွန်းဘဲ အရောင်တဝင်းဝင်းထိန်နေမယ်။ အရိမေတ္တေယျဘုရားရှင်ဟာဘယ်လောက်ဘုန်းကြီးလိုက်မလဲဆိုတာ ရှင်ဘုရင်မဟုတ်ဘဲနဲ့ အဇိတမင်းသားဘဝလောက်ရှိတာတောင်မှသင်္ခစကြဝတေးမင်းနှင့်တကွ မြို့ပေါင်းရှစ်သောင်းလေးထောင်က ရှင်ဘုရင်တွေနတ်သားတွေက ဝေယျဝစ္စလုပ်ပေးချင်လို့ပြုလုပ်ခွင့်ပေးဖို့လာပြီးတောင်းပန်ကြတယ်တဲ့။ အဇိတမင်းသားက အကျွန်ုပ်မှာ ဖွားဘက်တော် ၁၈ ကုဋေအမတ်ကြီးနှင့်တကွ ဆင်မြင်းရဲမက်ဗိုလ်ပါတွေ ရှိပါတယ်။ အလိုမရှိတော့ပါဟု ပြောလွှတ်လိမ့်မယ်။
သားတော်ဖွားမြင်ခြင်း...
အဇိတမင်းသားဟာ ပြသာဒ်လေးဆောင်မှာ လောကီစည်းစိမ်ခံစားနေစဉ်မှာ အနှစ်တစ်သောင်းပြည့်တဲ့အခါကျရင် ဗြဟ္မာဝံသ ဆိုတဲ့ သားယောကျာ်းလေးမွေးဖွားလိမ့်မယ် ။
နိမိတ်လေးပါးမြင်ခြင်း...
ဗြဟ္မာဝံသ သားယောကျာ်းလေးမွေးဖွားပြီးတဲ့အခါ ဘုရားရှင်တို့ရဲ့ ထုံးတမ်းစဉ်လာ ဓမ္မတာအရ ဥယျာဉ်ကထွက်စဉ်မှာ သူအို သူနာ သူသေ ရဟန်း နိမိတ်ကြီးလေးပါးတွေ့မြင်ရရင် သံဝေဂတရားတွေရလာပြီးတော့ တောထွက်မည့်အကြံဖြစ်ပေါ်လာလိမ့် မည်။ ဒိဗျာဝဒါန မေတ္တေယျဗျာကရဏဝဒါန (၃၆-၃၇) မှာပြဆိုထားတာကတော့ သင်္ခမင်း၏ ယဇ်တိုင်အပိုင်းပိုင်းပြတ်သည်ကို မြင်ရပြီး သံဝေဂဖြစ်ပြီးတောထွက်လိမ့်မည်လို့ပြဆိုထားတာရှိသေးတယ်။ ဘယ်လိုပုံနည်းနဲ့ဖြစ်ဖြစ် တောကတော့ထွက်မှာပါပဲ။ အဇိတမင်းသား တောထွက်မယ့်အကြံစိတ်ကို သင်္ခစကြဝတေးမင်းက သိတဲ့အခါ အဇိတမင်းသားပျော်အောင်ဆိုပြီးတော့ ရှစ်သောင်းလေးထောင်သော ကချေသည်တွေမြို့သူ မြို့သား နိဂုံးဇနပုဒ်သူ မင်းသားမင်းမြေး သူဌေး သူကြွယ်စသော လူအပေါင်းတို့က ပန်းနံ့သာစွဲလျက် အဇိတမင်းသားကို ခြံရံပြီး နေကြလိမ့်မယ်။ နတ်ဗြဟ္မာတွေကလည်း နတ်တို့ရဲ့ ထီး တံခွန် ပန်းနံ့သာ ရွှေပေါက်ပေါက် ငွေပေါက်ပေါက် စသည်တို့ဖြင့် ဘုရားလောင်းပြာသာဒ် မိုးကြီးရွာသကဲ့သို့ အပြည့်အလျှံခြံရံခစားနေကြလိမ့် မယ်။ လူ့ဘဝ ကာမဂုဏ်ထဲမှာပျော်အောင်ဖြေဖျော်နေကြတာ။
အဇိတမင်းသားတောထွက်တော်မူခြင်း...
အဇိတမင်းသား တောထွက်မယ်ဆိုတဲ့ စိတ်အကြံကို သင်္ခစကြဝတေးမင်းနှင့်တကွ တိုင်းသူပြည်သား လုတွေအားလုံးသိသွားကြတဲ့အခါမှာ ဘယ်နေ့ ဘယ်ရက် ဘယ်အချိန်မှာ အဇိတမင်း တောထွက်မယ်ဆိုတဲ့ သတင်းအသံကို အားလုံးသိသွားကြတော့ နန်းတွင်းသူ နန်းတွင်းသား မြို့သူမြို့သားတွေ တောရွာဇနပုဒ်က လူတွေ မင်းသား မင်းမြေး သူဌေး သူကြွယ်အစရှိတဲ့ လူပေါင်းများစွာနှင့်တကွ စန္ဒမုက္ခီ သားတော် ဗြဟ္မာဝံသ အလုပ်အကျွေးကချေသည်တွေရော အဇိမင်းရဲ့ ပြာသာဒ်ထဲမှာ တောထွက်ရင်လိုက်ဖို့ရာအတွက်ပြည့်လျှံပြီးတော့နေမယ်။ တောထွက်မည့် အချိန်လည်းရောက်ရော လူပေါင်းများစွာပြည့်နေတဲ့ ပြာသာဒ်ကြီးဟာ ဘုရားလောင်းတန်ခိုးတော်ကြာင့်လည်းကောင်း စကြဝတေးမင်းအာဏာကြောင့်လည်းကောင်း နတ်ဗြဟ္မာတို့ တန်ခိုးတော်ကြောင့်လည်းကောင်း ဟသာင်္မင်းပျံသကဲ့သို့ ကောင်းကင်ယံသို့ပျံတက်ပြီး ကံ့ကော်ပင်ရှိရာအရပ်သို့ ကောင်းကင်ယံခရီးဖြင့် တောထွက်သွားကြလိမ့်မယ်။ နတ်ဗြဟ္မာများ ပို့ဆောင်ခြင်း ကောင်းကင်ယံ ဟသာင်္ပျံ ပြာသာဒ်ကြီးကို ဗြဟ္မာမင်းက သုံးယူဇနာ ရှိသောထီးကိုကိုင်ပြီး လိုက်မယ်။ သိကြားမင်းက အတောင်ခြောက်ဆယ်ရှိသော လက်ယာရစ် ခရုသင်းကိုကိုင်လျက် သာဓု သုံးကြိမ်ခေါ်ပြီးလိုက်မယ်။ သုတဝံနတ်သားက သားမြီးယပ်ကိုကိုင်ပြီးလိုက်မယ်။ တုသိတာနတ်သားက ပတ္တမြားယပ်ကိုကိုင်ပြီးလိုက်မယ်။ ပဉ္စင်္သိခနတ်သားက စောင်းကိုကိုင်မယ်။ လောကပါလနတ်သားလေးယောက်က သန်လျက်ကိုကိုင်မယ်။ နှစ်သိန်းရှစ်သောင်းရှိတဲ့ ဘီလူးစစ်သည်တွေက လက်နက်ကိုယ်စီကိုင်မယ်။ နတ်သမီးတွေက ရတနာပုဋောင်းကိုကိုင်မယ်။ အသူရာနတ်တို့က သီချင်းဆိုပြီးတော့ နတ်တို့၏ တံခွန်ကိုကိုင်မယ်။ နတ်မင်းတို့က ပတ္တမြားရှိသော ဆီမီးကိုကိုင်မယ်။ ဂဠုန်တို့က စောင်းတီးလိုက်မယ်။ ဂန္ဓဗ္ဗနတ်တို့က စောင်းတီးပြီးလိုက်မယ်။ ဟသာင်္ပျံကောင်းကင်ပြာသာဒ်ထဲမှာ တောထွက်လို့ လိုက်ကြမည့် ပရိသတ်တွေက ရှစ်သောင်းလေးထောင်တဲ့။ ကောင်းကင်ယံပြာသာဒ်ပျံနဲ့ ဆွေစုံမျိုးစုံ သားနဲ့ မယားနဲ့ ရှစ်သောင်းလေးထောင်ပရိသတ်နဲ့ အခြံအရံနဲ့ ကောင်းကင်ခရီးဖြင့် ကံ့ကော်ပင်ရှိရာသို့ တောထွက်မှာ။ အရိမေတ္တေယျဘုရားရှင်ဟာ ကံ့ကော်ပင်အောက်မှာပွင့်မှာပါ။ ကံ့ကော်ပင်ဆီရောက်တဲ့အခါမှာ အဇိတမင်းသားက ကံ့ကော်ပင်အောက်မှာ ဒုက္ကခရစရိယာကို ကျင့်တော်မူပါမယ်။ အဇိတမင်းသားဟာ ဒုက္ကခရစရိယာကို ခြောက်ရက်ကျင့်တော်မူရုံမျှနဲ့ ဘုရားစင်စစ်ဖြစ်လိမ့်မည်။ စန္ဒမုက္ခီမိဖုရားက အဲဒီနေရာမှာပဲ နတ်သြဇာနဲ့ပြည့်စုံတဲ့ နွားနို့ဆွမ်းလှုလိမ့်မယ်။
သဗ္ဗညုတဥာဏ်ရသည့်အချိန်...
ညနေချမ်းအချိန်ရောက်သည့်အခါ ကံ့ကော်ပင်နဲ့ မနီးမဝေး ရတနာခုနစ်ပါးနဲ့ပြည့်စုံတဲ့ အမြင့် ၆၄တောင်ရှိတဲ့ ရွှေပလ္လင်ပေါ်ပေါက်လာလိမ့်မယ်။ ထိုရွှေပလ္လင်အထက်ဝယ် ထက်ဝက်ဖွဲ့ခွေထိုင်နေတော်မူလျက် အရှေ့လောကဓာတ်ကိုကြည့်ပြီး နတ်ပရိသတ်နဲ့ လူပရိသတ်တွေခြံရံလျက် မာရ်နတ်ရဲ့ရန်ကိုအောင်မြင်လိမ့်မယ်။ ညဉ့်ဦးယံမှာ ပုဗ္ဗေနိဝါသနုဿတိဥာဏ်ကိုရမယ်။ သန်းခေါင်ယံအချိန်မှာ ဒိဗ္ဗစက္ခုဥာဏ်ကိုရမယ်။ မိုးသောက်ယံအချိန် အာသဝက္ခယဥာဏ်တွေရပြီးတော့ နေဝန်းကြီးပေါ်ပေါက်လာတဲ့အချိန်ကျတော့ သစ္စာလေးပါးကိုသိပြီး သဗ္ဗညုတဥာဏ်ကိုရမယ်။
ဘုရားပွင့်တဲ့ကံ့ကော်ပင်ရဲ့ လုံးပတ်က အဲဒီခေတ်အခါမှာ လူတွေရဲ့ အတောင်နဲ့ အတောင်ခုနစ်ဆယ်ရှိမယ်။ အကိုင်းအခက် ကိုးကိုင်း ခက်မကိုးဖြာလို့ခေါ်တယ်။ ကံ့ကော်ပင်ရဲ့ အနံ့တွေက လေအောက်ကိုဆယ်ယူဇနာ လေအထက်ကို ဆယ်ယူဇနာမွှေးမယ်။ ကံ့ကော်ပွင့်တွေက နွားလှည်းဘီးလောက်ကြီးမယ်။ ဘုရားဖြစ်တဲ့နေ့ကစပြီး ပွင့်ကြတဲ့ ကံ့ကော်ပွင့်တွေဟာ ဘုရားပရိနိဗ္ဗာန်စံတဲ့နေ့ကျမှ ကြွေကြတော့မှာ။ အဲဒီကံ့ကော်ပင်ကို ဘယ်ငှက်မှ မနားဝံ့ကြဘူး။ ဖြတ်ကျော်မပျံ့ဝံ့ကြဘူး။ ကံ့ကော်ပင်းနားရောက်တဲ့ငှက်တို င်း သတ္တဝါတိုင်း ကံ့ကော်ပင်ကို လက်ယာရစ်သုံးပတ်ပတ်ပြီးမှ သွားကြလိမ့်မယ်။ ဗြဟ္မာမင်းက တရားဟောရန် တောင်းပန်ခြင်း အဲဒီကံ့ကော်ပင်ရဲ့ အနီးအနားမှာပဲ သီတင်းသုံးနေတဲ့အချိန် လေးဆယ့်ကိုးရက်ကျော်လွန်တဲ့အခါ ပွင့်တော်မူသွားကြတဲ့ ဘုရားရှင်တိုင်းရဲ့ ထုံးတမ်းအစဉ်အလာအရ ဗြဟ္မာမင်းကြီးရဲ့လောကဂရုကို ခံယူမယ်။ ဗြဟ္မာမင်းကတောင်းပန်မှ တရားဟောရတာက ပွင့်တော်မူသွားကြတဲ့ ဘုရားရှင်တိုင်းရဲ့ ဓမ္မတာဖြစ်လို့ ဟောရတာ။ ဘုရားမပွင့်မီ ဗာဟိရကာလမှ လူဝတ်ကြောင်များ ရသေ့ ပရိဗိုဇ် ရဟန်း ပုဏ္ဏားတို့တွေဟာ ဗြဟ္မာတွေကိုသာ အလေးဂရုပြု ကိုးကွယ်နေကြတာ။ တလောကလုံးက အလေးအမြတ်ပြုသော ဗြဟ္မာကြီးက မြတ်စွာဘုရားအား အလေးပြု ညွှတ်တွားကိုင်းရှိုင်းလာလျှင် တစ်လောကလုံးပင် မြတ်စွာဘုရားကို အလေးပြုညွှတ်တွားကိုင်းရှိုင်းလာလိမ့်မယ်။ အဲဒါကို လောကဂရု ယူလိုက်တာလို့ခေါ်တယ်။
ဓမ္မစကြာတရားဟောကြွခြင်း...
ဗြဟ္မာမင်းထံမှ တရားဟောရန်ဝန်ခံပြီးပြီဆိုလျှင်ပဲ ဣသိပတနဥယျာဉ်တောသို့ ဓမ္မစကြာတရားဟောဖို့ရန်ကြွလိမ့်မယ်။ ဘုရားရှင်ခြေတော်အစုံကို ခံအံ့သောငှာ မြေကြီးကိုခွင်းပြီး အတောင်သုံးဆယ်ရှိတဲ့ ကြာပွင့်ကြီး ၂၄ တောင်ရှိတဲ့ ကြာပွင့်ငယ်တွေက ဘုရားရှင်ခြေချတိုင်း ခြေချတိုင်း ပွင့်ပေးလိမ့်မယ်။ လူပရိသတ် ရှစ်ယူဇနာ နတ်ပရိသတ် စကြာဝဠာတိုက်အပြည့် ဗြဟ္မာပြည်အထက်ဆုံး အကနိဋ္ဌဘုံတိုင်အောင် ပရိသတ်တွေကို ထန်းသီးလုံးလောက်ကြီးသော ရောင်ခြည်တော် ခြောက်ပါးလွှတ်ပြီး ဓမ္မစကြာတရားဟောတဲ့အခါမှာ လူပုဂ္ဂိုလ် ကုဋေတစ်သိန်း နတ်ဗြဟ္မာတွေက ကုဋေတစ်သိန်း ကျွတ်တမ်းဝင်ကြလိမ့်မယ်။
ဘုရားရှင်၏တန်ခိုးတော်...
ဘုရားရှင်၏တန်ခိုးတော်ကြောင့် ရွှေပန်းဆိုင်း ငွေပန်းဆိုင်း ပုလဲပန်းဆိုင်း သန္တာပန်းဆိုင်းတို့ဖြင့် တန်ဆာဆင်လျက် ရတနာခုနစ်ပါးနှင့် ပြည့်စုံပြီး ဆယ့်နှစ်ယူဇနာကျယ်ဝန်းတဲ့ ဗိမာန်မျက်နှာကျက်သည် ဓမ္မစကြာတရားဦးဟောသည့်နေ့မှစပြီး ပရိနိဗ္ဗာန်ဝင်စံသည့်တိုင်အောင် နေ့ညအမြဲပင်လိုက်ပါပြီး မျက်နှာကျက်အဖြစ်မိုးကာပြီးနေမယ်။ အရိမေတ္တေယျဘုရား နေသန့်စင်သောအခါ နေဖို့ရာအတွက် မြေကြီးတို့ကိုခွဲပြီး ရတနာသုံးပါးနှင့်ပြည့်စုံသော ၁၂ ယူဇနာကျယ်ဝန်းတဲ့ ရွှေမဏ္ဍပ်ကြီးပေါ်ပေါက်လိမ့်မယ်။ ဘုရားရှင်တန်ခိုးတော်ကြောင့် မိတာန်ပန်းဆိုင်း တုရင်တိုင် ထီး တံခွန် ဆီမီး တန်ဆောင်း ရတနာမဏ္ဍပ်ကြီးဟာ ဘုရားရှင်တရားဟောရာ ဌာနတိုင်းမှာ အိမ်မှာဟောမယ်ဆိုရင် အိမ်ပေါက်ဝ ကျောင်းမှာဟောမယ်ဆိုရင် ကျောင်းပေါက်ဝ မြို့မှာဟောမယ်ဆိုရင် မြို့မှာ တောမှာဟောမယ်ဆိုရင် တောမှာ စတဲ့ ဟောတဲ့နေရာတိုင်းမှာ ကောင်းကင်ယံကနေပြီး အမြဲတမ်း ပရိနိဗ္ဗာန်စံအထိ လိုက်ပါနေမှာ။
ရုပ်မြင်သံကြားမေတ္တေယျဘုရား...
အရိမေတ္တေယျဘုရား တရားဟောတဲ့အခါ ဘယ်မြို့ ဘယ်ဒေသ ဘယ်အရပ် ဘယ်ရွာဒေသ ဇနပုဒ် အိမ်ကပဲဟောဟော စကြဝဠာတိုက်တစ်သောင်းလုံးဘုရားရှင်ရဲ့ တရားဟောအသံကိုကြားနေရမယ်။ ဘုရားရှင်ရဲ့ ပုံသဏ္ဌာန်ကိုလည်းမြင်နေရမယ်။ ရုပ်လည်းမြင်ရမယ် အသံလည်းကြားရမယ်။ မမြင်ချင်လို့ မျက်စိမှိတ်ထားလည်း မရဘူး။ မကြားချင်လို့နားပိတ်ထားလည်းမရဘူး။ ဘုရားရှင်ရဲ့တန်ခိုးတော်ကြောင့် ၃၁ဘုံအကာအရံမရှိဖီလာထုတ်ချင်းပေါက်မြင်ကြရမှာ။ အပေါ်ကြည့်ရင် နတ်သား နတ်သမီး ဗြဟ္မာတွေမြင်ရမယ်။ အောက်ငုံ့ကြည့်ရင် ငရဲပြည်မှာ ခံစားနေရတဲ့ ငရဲဒုက္ခမျိုးစုံကိုမြင်ရတော့ ငရဲရောက်အောင် အကုသိုလ်တွေပြုရဲဖို့မရှိတော့ဘူး။ အရိမေတ္တေယျဘုရားရှင်ရဲ့တန်ခိုးတော်ကြောင့် ယောကျာ်းဆိုရင် နတ်သားလို မိန်းမဆိုရင် နတ်သမီးလို ချောမောလှပတွေချည်းဖြစ်ရာ ရုပ်မချော အင်္ဂါမစုံတစ်ယောက်မှမရှိ။ အကုန်းအကွ အကန်း အနူအဝဲရောဂါသည်တွေ လုံးဝမရှိ။ အသက်ငါးရာပြည့်တဲ့အရွယ်ရောက်ရင် အမျိုးသား အမျိုးသမီးတွေ အိမ်ထောင်ပြုကြလိမ့်မယ်။ ဇနီးမောင်နှံနှစ်ဦး ခိုက်ရန်ဒေါသမရှိ ပြဿနာမရှိ ကွဲကွာသွားခြင်းလည်းမရှိ။ အမြဲအဆင်ပြေမယ်။ ရာသက်ပန်ပေါင်းသင်းရမယ်။ အမျိုးသမီးတိုင်းမှာ ပတ္တမြားနားတောင်း လက်စွပ် လက်ကောက် ခြေကျင်းစသည်တို့ဟာ ရွှေအိုးကြီးတွေထဲက ကြိုက်နှစ်သက်ရာ ယူဝတ်ကြမှာ။ ရွှေမဝတ်နိုင်တဲ့သူမရှိဘူးတဲ့။ စားစရာပဒေသာပင်တွေမှာ ယူစားချင်တဲ့အချိန်ယူစားလို့ရတယ်။ ကျန်းမာရေးအနေနဲ့ကြည့်မယ်ဆိုရင်လည်း ဘာရောဂါမှကိုမရှိဘူး။ နေ့ညခွဲမရ အရိမေတ္တေယျဘုရားရှင်ရဲ့ တန်ခိုးတော်ကြောင့် ကမ္ဘာလောကြီးဟာ နေ့အခါ ညအခါရယ်လို့မရှိ နေ့ရောညပါ အမြဲတမ်းလင်းထိန်ပြီးတော့ မနက်ပွင့်တဲ့ပန်း ညပွင့်တဲ့ပန်း မနက်ပန်း ညပန်း ကြက်တွန်သံတွေကို ကြည့်ရှုနားထောင်ပြီး နေ့ညခွဲယူရလိမ့်မယ်။ ပရိနိဗ္ဗာန်စံမည့်အရွယ် မြတ်စွာဘုရားရှင်ဟာ ဘုရားဖြစ်တော်မူပြီးတဲ့အချိန်ကစပြီး ကုဋေခုနစ်ရာသော ပရိသတ်တို့ကို ချေချွတ်တော်မူပြီးလျှင် အနှစ်ရှစ်သောင်းပြည့်တဲ့အချိန်မှာ ပရိနိဗ္ဗာန်စံဝင်လိမ့်မယ်။ ဒါပေမယ့် သာသနာတော်က အနှစ်နှစ်သိန်းခြောက်သောင်း ပြည့်တဲ့အခါ ဘဒ္ဒကမ္ဘာကြီးသည် အချိန်တန်လျှင် ပျက်ပြီး ကမ္ဘာတစ်သိန်းကာလလုံး ဘုရားမပွင့်တော့ဘူးတဲ့။ ဘုရားမပွင့်တဲ့ ကမ္ဘာတစ်သိန်းကျော်လွန်သောအခါ မဏ္ဍကမ္ဘာဖြစ်ပြီးတော့ ဥတ္တရာမမင်းသည် ရာမသမ္ဗုဒ္ဓဘုရားဖြစ်လိမ့်မယ်။ ပသေနဒီကောသလမင်းက ဓမ္မရာဇာဘုရားဖြစ်လိမ့်မယ်။ အဲဒီ မဏ္ဍကမ္ဘာမှာဘုရားနှစ်ဆူပွင့်ပြီး ပျက်စီးသွားတဲ့အခါ သာရကမ္ဘာဖြစ်ပေါ်ပြီး အဘိဘူဘုရားတစ်ဆူသာပွင့်လိမ့်မယ်။ သာရကမ္ဘာပျက်ပြီး ကမ္ဘာတစ်သိန်းဘုရားမပွင့်ဘဲနေပြီးတော့ ကမ္ဘာတစ်သိန်းကျော်လွန်သောအခါ ဖြစ်ပေါ်လာမယ့် ကမ္ဘာများမှာ ဒီဃသောနိအသူရိန်နတ်သား စန္ဒနီပုဏ္ဏား၊ သုဘလုလင် တောဒေယျပုဏ္ဏား ၊ နာဠာဂီရိဆင်မင်း ပလလေယဆင်မင်းတို့ အစဉ်အတိုင်း ဘုရားဖြစ်လိမ့်မယ်။ အရိမေတ္တေယျဘုရားဖူးမြော်ရန် ပြုလုပ်ရမည့်ကုသိုလ် ယခုကြုံတွေ့နေရတဲ့ ဂေါတမမြတ်စွာဘုရား သာသနာကာလအတွင်းမှာ ကိုယ်တိုင် ရဟန်းသာမဏေ သီလရှင်ဝတ်ပြီး ပရိယတ် ပဋိပတ် သာသနာပြုနေတဲ့ပုဂ္ဂိုလ် မိမိရင်မှဖြစ်တဲ့သား သူတစ်ပါးရင်မှဖြစ်တဲ့သားတွေကို ရဟန်းခံပေးခြင်း ရှင်ပြုပေးခြင်းပြုတဲ့ပုဂ္ဂိုလ် မိခင်ဖခင်ကျေးဇူးရှင်တွေကို ဝတ်ကျေတမ်းကျေမဟုတ်ဘဲ စိတ်ပါလက်ပါပြုစုလုပ်ကျွေးသောပုဂ္ဂိုလ် သရဏဂုံသီလမပြတ်ဆောက်တည်သောပုဂ္ဂိုလ် ဘုရားသာသနာတည်စိမ့်သောငှာ စေတီပုထိုး စည်းခုံ ဥမင်လိုဏ်ခေါင်း ဇရပ်စသည်တို့ကို ပြုပြင်တဲ့ပုဂ္ဂိုလ် အသစ်ဆောက်လုပ်လှုဒါန်းတဲ့ပုဂ္ဂိုလ် ဗောဓိညောင်ပင်စိုက်ပျိုးသောပုဂ္ဂိုလ် ညောင်ရေသွန်းလောင်းသောပုဂ္ဂိုလ် ရေတွင်း ရေအိုင် ရေကန် စတုဒိသာကျောင်းဇရပ် တံတာြး့ပုပြင်သောပ္ဂုိုလ် အရုဏ်ဆွမ်း နေ့ဆွမ်းမပြတ်လောင်းလှုသောပုဂ္ဂိုလ် ရဟန်းတို့အားပစ္စည်းလေးပါးတို့ဖြင့်ထောက်ပံ့လှုဒါန်းသောပုဂ္ဂိုလ် ကမ္မဌာန်းဘာဝနာပွားများအားထုတ်သောပုဂ္ဂိုလ်…. အဲဒီ ပုဂ္ဂိုလ်တွေအားလုံး ဧကန်မုချ မလွဲမသွေ မြေကြီးလက်ခတ်မလွဲ အရိမေတ္တေယျမြတ်စွာဘုရားကို ဖူးမြော်ရပြီး နိဗ္ဗာန်ကိုရမယ်။ အဲဒါက ဂေါတမမြတ်စွာဘုရားကိုယ်တိုင်ပြောပြခဲ့တဲ့ ကုသိုလ်တွေဖြစ်ပါတယ်။
အရိမေတ္တေယျမြတ်စွာဘုရားလောင်းပြောပြခဲ့တဲ့ ကုသိုလ်တွေကတော့….. မဟာဝေသန္တရာဇာတ်တော်ကို နေ့ချင်းကုန်အောင်နာကြားကြသောသူတို့သည် ကျွန်ုပ်ဘုရားမဖြစ်မီအကြား သံသရာ၌ ကျင်လည်လေသမျှမှာလည်း စိတ်နှင့်ကိုယ်ကို အစိုးရ၍ လူကောင်း နတ်ကောင်း စည်းစိမ်ကောင်းကို ခံစားရပြီး ကျွန်ုပ်ဘုရားဖြစ်သောအခါ ရှေးဦးစွာ ဖူးတွေ့ရ၍ ပဋိသမ္ဘိဒါပညာလေးပါးနှင့်တကွ ရဟန္တာအဖြစ်ကို မချွတ်မလွဲရနိုင်ပါလိမ့်မယ်လို့ ရှင်မာလဲမထေရ်မြတ်အား အရိမေတ္တေယျမြတ်စွာဘုရားလောင်းက ပြောပြတော်မူခဲ့ပါတယ်။
လူနတ်ဗြဟ္မာသတ္တဝါအပေါင်း နှလုံးစိတ်ဝမ်းအေးချမ်းပြီး ရောဂါခပ်သိမ်းကင်းဝေးနိုင်ကြပါစေ..

အရိမေတ္တေယျမြတ်စွာဘုရား ကို ဖူးခွင့်ရမည့် ပုဂ္ဂိုလ်များ

၁။ယခုကြုံတွေ့နေတဲ့ ဂေါတမသာသနာတွင်းမှာကိုယ်တိုင်ရဟန်းသာမဏေသီလရှင်ဝတ်ပြီး ပရိယတ်၊ ပဋိပတ်သာသနာပြုတဲ့ ပုဂ္ဂိုလ်
၂။မိမိရင်မှဖြစ်တဲ့သား၊သူတစ်ပါးရင်မှဖြစ်တဲ့သားတွေကိုရဟန်းခံပေးခြင်း၊ ရှင်ပြုပေးတဲ့ ပုဂ္ဂိုလ်
၃။ မိခင်ဖခင်တို့ကို ၀တ်ကျေတန်းကျေမဟုတ်ဘဲ စိတ်ပါလက်ပါ ရိုသေစွာပြုစုလုပ်ကျွေးတဲ့ ပုဂ္ဂိုလ်
၎။ သရဏဂုံသီလ မပြတ် ဆောက်တည်သော ပုဂ္ဂိုလ်
၅။ ဘုရားသာသနာတည်စိမ့်သောဌာစေတီ၊ ပုထိုး၊ စည်းခုံ ဥမင်လိုဏ်ခေါင်း ဇရပ် စသည်တို့ကို ပြုပြင်တဲ့ပုဂ္ဖိုလ်၊ အသစ်ဆောက်လုပ်လှူးဒါန်းတဲ့ ပုဂ္ဂိုလ်
၆။ ဗောဓိညောင်ပင် စိုက်ပျိုးသော ပုဂ္ဖိုလ်၊ ညောင်ရေသွန်းလောင်းသော ပုဂ္ဂိုလ်
၇။ရတွင်းရကန်ရအိမ်၊စတုဒီသာကျောင်းဇရပ်တံတားပြုပြင်သောပုဂ္ဖိုလ်၊ အရုဏ်ဆွမ်း နေ့ဆွမ်း လောင်လှူသော ပုဂ္ဂိုလ်
၈။ ရဟန်းတို့အား ပစ္စည်းလေးပါး လှူဒါန်းထောက်ပံ့သော ပုဂ္ဂိုလ်
၉။ ကမ္မဋ္ဌာန်းဘာဝနာ ပွားများအားထုတ်သော ပုဂ္ဂိုလ်

မာရ်နတ်အကြောင်း သိကောင်းစရာ

 
၁-မာရ်ငါးပါးဆိုတာ မာရ်နတ်ငါးယောက်ကိုပြောတာလား ??
၂-ဘုရားမရှိတော့ပေမယ့် သိကြားမင်းတို့နတ်ပြည်ကို ဘာလို့သွားမသိမ်းလဲ ??
၃-ဘိက္ခုနီသာသနာကိုကျတော့ ဘာလို့ မနှောက်ယှက်ခဲ့တာလဲ ??
၎-ဘုရားကို ပရိနိဗ္ဗာန်စံခိုင်းတာ မာရ်နတ်အကြီးမဟုတ်ဘူးလို့ဆိုတယ်၊
မာရ်နတ်သေးသေးလေးတဲ့မာရ်နတ်ကြီးကသာစံခိုင်းရင်ချက်ချင်းစံရမှာဆိုတာဟုတ်လား ??
၅-မာရ်နတ် ခိုင်းလို့ ပရိနိဗ္ဗာန်ပြုတာလား၊ ဝက်သားစားလို့လား ??
၆-မာရ်နတ်အခုဘယ်မှာလဲ ??
၇-မာရ်နတ်ကို နှောင့်ယှက်လို့မရအောင် ဘုရားကဘာလို့ တန်ခိုးနဲ့ မတားလဲ ??
၈-ရှင်ဥပဂုတ်က မာရ်နတ်ကို ဆုံးမတယ်ဆိုတာ ဟုတ်လား ??
 
မာရ်ရဲ့အကြောင်းလေး အရင်ရှင်းရအောင် မာရ်ဆိုတာ မာရဆိုတဲ့ ပါဠိကနေလာတာ မာရဆိုတာ သေခြင်း၊ သေစေခြင်းလို့ အဓိပ္ပါယ်ရတယ်။
မာရ်ဆိုတာ သေတတ်တဲ့သဘော သေအောင်သတ်တတ်တဲ့သဘောကိုပြောတာ။

☆☆မာရ် (၅)ပါးကို အကျဉ်းလေး ပြောပြမယ်။
(၁) ကိလေသမာရ် (၂) ခန္ဓမာရ် (၃) မစ္စုမာရ် (၄) အဘိသခါင်္မာရ် (၅) ဒေဝပုတ္တမာရ်
 
☆ ကိလေသမာရ် ဆိုတာ တစ်ထောင့်ငါးရာကိလေသာတွေကိုပြောတာ လောဘ၊ ဒေါသ၊ ဣဿာ၊ မစ္ဆရိယ အစရှိတဲ့ ကိလေသာတွေဟာ စိတ်ကို ပူလောင်စေတတ်တယ်၊ ညစ်နွမ်းစေတတ်တယ်၊ ပင်ပန်းဆင်းရဲအောင် နှိပ်စက်တတ်တယ်။
ဒီကိလေသာတွေ ရှိနေသရွေ့ကတော့ သံသရာမှာ တလည်လည်နဲ့ အမြဲသေနေဦးမှာပဲ။
ဒီလိုသေစေတတ်လို့ ကိလေသာကို မာရ်လို့ခေါ်တယ်။
 
☆ ခန္ဓမာရ် ဆိုတာ ဒီခန္ဓာ ၅ပါးကို ပြောတာပဲ။ ခန္ဓာရှိသရွေ့ သေနေဦးမှာပဲ။
ဘယ်ခန္ဓာဖြစ်ဖြစ် သေနေဦးမှာပဲ။
သေတတ်လို့ ခန္ဓာ ၅ပါးကို မာရ်လို့ခေါ်တယ်။
 
☆ မစ္စုမာရ် ဆိုတာ သေခြင်းတရားပါပဲ။ မရဏကိုပြောတာပေါ့။
သေတတ်တဲ့ မစ္စုကို မာရ်လို့ခေါ်တယ်။
☆ အဘိသခါင်္မာရ် ဆိုတာ ကိုယ်ပြုထားတဲ့ ကုသိုလ်ကံ၊ အကုသိုလ်ကံတွေကိုပြောတာ။

ကုသိုလ်ကံကြောင့် ကောင်းတဲ့ဘဝရောက်မယ်။ အကုသိုလ်ကံကြောင့် မကောင်းတဲ့ဘဝ ရောက်မယ်။ ဘယ်ဘဝရောက်ရောက် သေမှာပဲ။
သေစေတတ်လို့ အဘိသခါင်္ကို မာရ်လို့ ခေါ်တယ်။

☆ ဒေဝပုတ္တ မာရ်ဆိုတာ မာရ်နတ်ကို ပြောတာ။
မာရ်နတ်ဟာ သတ္တဝါတွေ သံသရာဝဋ်က လွတ်မှာကြောက်တယ်။
၃၁ဘုံ ဘယ်ကိုသွားသွား သူသဘောကျတယ်။
လွတ်ထွက်သွားမှာကြောက်လို့ လွတ်ကြောင်းလုပ်ရင် နှောင့်ယှက်တယ်။
မာရ်နတ် အနှောင့်အယှက် ခံရရင် သံသရာလွတ်ကြောင်း မလုပ်ဖြစ်တော့ဘူး။
၃၁ဘုံမှာပဲ ပျော်မွေ့တော့တယ်။ ဘယ်ဘုံဖြစ်ဖြစ် သေမှာပဲ။
ဒီလိုသေစေတတ်လို့ ဒေဝပုတ္တမာရ်နတ်ဟာလည်း မာရ်ပါပဲ။
ဒီတော့ မာရ်ငါးပါးဆိုတာကမာရ်နတ် ငါးပါးကိုပြောတာမဟုတ်ပါဘူး။
မာရ်နတ်ကလည်း ငါးယောက်မက ရှိနေနိုင်ပါတယ်။
ဘုရားနဲ့သံဃာတွေကို နှောင့်ယှက်တဲ့ မာရ်နတ်ကတော့ သူတစ်ယောက်တည်းပါပဲ။
၁ ရဲ့အဖြေ ပြီးပါပြီ။
 
မာရ်နတ်ဟာ နတ်ပြည် ၆ထပ်မှာ အထက်ဆုံး နတ်ဘုံမှာနေတယ်။
နတ်ပြည် ၆ထပ်ရဲ့ စည်းစိမ်နဲ့ သက်တမ်းလေး နည်းနည်းပြောပြမယ်။

☆စတုမဟာရာဇ်နတ်ပြည်ဆိုတာ မြင်းမိုရ်တောင်ရဲ့ အလယ်မှာရှိတယ်။
ဓတရဋ္ဌ၊ ဝိရုဠှက၊ ဝိရူပက္ခ၊ ကုဝေရဆိုတဲ့ နတ်မင်းကြီး လေးပါးက အုပ်ချုပ်တယ်။
စတုမဟာရာဇ်နတ်တွေဆိုတာ အလွန်တန်ခိုးကြီးတယ်။
သက်တမ်းက နှစ်ပေါင်း ၅၀၀ ရှိတယ်။
လူသက်နဲ့ဆို အနှစ် ၉သန်းရှိတယ်။

☆တာဝတိံသာ သူ့ထက်ပိုပြီးမြင့်တယ်။ မြင်းမိုရ်တောင်ထိပ်မှာ ရှိတယ်။
သိကြားမင်း ဦးမဃနဲ့တကွ ၃၃ယောက်သောနတ်မင်းကြီးတို့ အုပ်စိုးတယ်။
အခေါင်နတ်မင်းကတော့ ဦးမဃပဲ။ (မာဃမဟုတ် မဃသာအမှန်)
တခြားနတ်မင်းတွေလည်းရှိတယ်။ နတ်သားတစ်ယောက်တောင်မှ နတ်သမီးအခြွေအရံ
၅၀၀ ခြံရံပြီး ကာမဂုဏ်ချမ်းသာကို ခံစားတယ်။
သက်တမ်းက နှစ်၁၀၀၀ လူလိုတွက်ရင် ၃ကုဋေ၆သန်းရှိတယ်။

☆ယာမာကနေစပြီး ဘုံဗိမာန်တွေဟာ ကောင်းကင်ယံမှာတည်တယ်။
ယာမာနတ်တွေကို ဆင်းရဲခြင်းကင်းသောနတ်တွေလို့ခေါ်တယ်။
နတ်ချမ်းသာကိုချည့် သီးသန့်ခံစားတဲ့နတ်တွေ။
သက်တမ်းက နှစ် ၂၀၀၀ လူလိုတွက်ရင် ၁၄ကုဋေ၄သန်းရှိတယ်။
နတ်ဘုံတိုင်းမှာ ကိုယ့် နတ်မင်းကြီးနဲ့ကိုယ်ရှိတယ်။
ယာမာ နတ်ပြည်အတွက်တော့ သုယာမနတ်မင်းက အခေါင်နတ်မင်းကြီးပဲ။
 
☆တုသိတာနတ်ပြည်ဆိုတာ အလွန်နှစ်သက်ရွှင်လန်းတယ်။
ဘုရားလောင်းနဲ့ မယ်တော်ဟောင်းတွေဒီဘုံမှာ လာဖြစ်ကြတယ်။
အခေါင်နတ်မင်းကြီးက သန္တုဿိတနတ်မင်းပဲ။
သက်တမ်းက နှစ် ၄၀၀၀ လူလိုဆို ၅၇ကုဋေ၆သန်းရှိတယ်။

☆နိမ္မာနရတိနတ်ပြည်ဆိုတာ ကိုယ့်စည်းစိမ်ကိုယ်စိတ်ကြိုက် ဖန်တီးလို့ရတယ်။
အောက်ကနတ်ပြည်တွေက ကိုယ့်ကုသိုလ်ကံအလိုက် ဘုံဗိမာန် အစရှိသဖြင့် ရတယ်။
ဒီနတ်ပြည်ကတော့ စိတ်ကြိုက် ဖန်တီးပြီး ခံစားလို့ရတယ်။
လိုတာထက်ပိုပြီးခံစားလို့ရတယ်။
သက်တမ်းက နှစ် ၈၀၀၀ လူလိုဆို ၂၃၀ကုဋေ၄သန်းရှိတယ်။
ကျောင်းတကာမကြီး ဝိသာခါ သေတော့ ဒီဘုံကို ရောက်တယ်။

☆ပရနိမ္မိတဝဿဝတီနတ်ပြည်က နတ်ပြည် ၆ထပ်မှာ အမြင့်ဆုံးပဲ။
စည်းစိမ်ကလည်း ကိုယ်တိုင်တောင်ဖန်ဆင်းစရာမလိုဘူး။
ကျွန်အစေအပါးနတ်တွေက ဖန်ဆင်းပေးတယ်။
သူတို့က လိုတာထက်ပိုပြီး ခံစားချင်ရင်တောင် သူများဖန်ဆင်းပေးရတယ်။
သက်တမ်းက နှစ်ပေါင်း ၁၆၀၀၀ လူလို ၉၂၁သန်းအထိ ရှည်ကြာတယ်။
မာရ်နတ်က ဒီဘုံမှာနေတယ်။ အခေါင်နတ်မင်းကြီးတော့ မဟုတ်ဘူး။
မာရ်နတ်သားပဲ။ အခေါင်နတ်မင်းကြီးက ဝဿဝတီနတ်မင်းကြီး သပ်သပ်ရှိတယ်။
မာရ်နတ်ကို စင်ပြိုင်လို့တော့ သတ်မှတ်လို့ရတယ်။ သူ့တပည့်တွေက များတာကိုး။
ဗိုလ်ဆိုလည်း သူပုန်ဗိုလ်ပဲဆိုပါတော့။
မာရ်နတ်က ပုံထဲကလို ရုပ်ဆိုးဆိုးမဟုတ်ပါဘူး။
ကာမာဝစရနတ်ပြည် ၆ထပ်မှာ အချောအလှဆုံးနတ်တွေထဲက တစ်ပါးပါ။
အားကြီးတဲ့ ကုသိုလ်ကံတွေ ပြုခဲ့ဖူးသူပါ။
ဒီလောက်ဆို မာရ်နတ်က သိကြားမင်းကို ဘာလို့ သွားပြီး မတိုက်ခိုက် မသိမ်းပိုက်သလဲ
သိလောက်ပြီပေါ့နော်။

သူ့နေရာလောက်မှ စည်းစိမ်ချမ်းသာမရှိ။ သက်တမ်းမရှည်တဲ့နေရာကို သူကဘာလုပ်ဖို့လာသိမ်းမလဲ။ မာရ်နတ်က ဒီလောက်မအဘူးလေ။
၂ ရဲ့အဖြေပြီးပါပြီမာရ်နတ်ဆိုတာ သံသရာလွတ်ကြောင်းကလွဲရင် ဘာလုပ်လုပ် အမြဲအကောင်းမြင်တယ်။
သံသရာလွတ်ကြောင်း လုပ်လို့ကတော့ နည်းမျိုးစုံနဲ့တားတယ်။
သိဒ္ဓတ္ထမင်းသား တောထွက်ချိန်မှာလည်း တားခဲ့တယ်။
ဘုရားဖြစ်ကာနီးချိန်မှာလည်း လေကြီးမိုးကြီး ပြာပူမီးနဲ့ မှောင်ကြီးတစ်တန်
ဓားလှံမကြွင်း ပစ်ခတ်ခွင်းပြီး နှောင့်ယှက်တယ်။
ဘေးနားမှာရှိနေတဲ့ ဘုရားဖြစ်တာနဲ့ ကြိုဆိုမယ့်သူတွေ
ထွက်ပြေးကြတယ်။
သိကြားမင်းက ခရုသင်း၊ ဗြဟ္မာမင်းက ထီးဖြူ၊ ပဉ္စသိင်္ခနတ်မင်းက ဗေလုဝစောင်း။

ကိုယ့်ပစ္စည်း ဘယ်နားကျန်မှန်းတောင်မသိအောင် ထွက်ပြေးကြတယ်။
(တကယ်တော့ ဗေလုဝစောင်းက မာရ်နတ်ရဲ့အပိုင် ဘုရားလောင်း ၆နှစ်လုံးလုံး
အပြစ်လုပ်ရင်ထောက်ပြပြီး ပျော်ပျော်ပါးပါးတီးဖို့ ဂျိုင်းကြားညှပ်လာတာ။
၆နှစ်လုံး အပြစ်တစ်ချက်မှ မရှိတဲ့ ဘုရားလောင်းကို စိတ်ပျက်လက်ပျက်
စောင့်ကြည့်ရင်းက ထွက်ကျနေခဲ့တာ။ ဒါကိုသိကြားမင်းက ကောက်ပြီး ပဉ္စသိင်္ခနတ်မင်းကို
ပေးလိုက်တာ ###
^^^ဒီနေရာမှာက ကျမ်းညှိစရာတွေများတာရယ် ပို့စ်နဲ့လည်းသိပ်မဆိုင်လို့ဒီလောက်ပါပဲ)
သမီးတော် သုံးယောက်ရဲ့ အလှအပ၊ အတွေ့အထိ၊ အမွှေးနံ့သာ၊ အရက်သေစာ မျိုးစုံနဲ့ နှောင့်ယှက်တယ်။
မရဘူး။ အရုဏ်တက်ချိန်မှာပဲ အရဟတ္တဖိုလ်အထွတ်တပ်တဲ့ အာသဝေါတရားတို့ အမြစ်မကျန် ဖယ်ရှားပြီး သဗ္ဗညုတဉာဏ်ကို ရသွားတယ်။
ဒီတော့ သတ္တသတ္တာဟ ၄၉ရက်ရဲ့ အလွန် အဋ္ဌမသတ္တာဟ အဇပါလညောင်ပင်ကို ဘုရားနောက်တဖန် ပြန်ရောက်ချိန်မှာ မာရ်နတ်က အချိုသပ်နဲ့ လာတောင်းပန်တယ်။

အရှင်ဘုရားအနေနဲ့ အရဟတ္တဖိုလ်လည်း တိုင်ပါပြီဘုရား။ အရှင်ဘုရား ပရိနိဗ္ဗာန်ပြုပါတော့လို့ လာတောင်းပန်တယ်။ ဘုရားက ပြန်ပြောတယ်။ ငါဘုရားမှာ ဘိက္ခု၊ ဘိက္ခုနီ၊ ဥပါသကာ၊ ဥပါသိကာ ပရိသတ်
လေးပါးတို့က တရားတွေကို
- ပိုင်ပိုင်နိုင်နိုင်မဆောင်ရွက်နိုင်ကြသေးဘူးဆိုလျှင်
- သူတပါးကို မဟောပြောနိုင်သေးဘူးဆိုလျှင်
- ဆန့်ကျင်ဘက်လာပြောလို့မှ မနှိမ်နင်းနိုင်သေးဘူးဆိုလျှင်
ဂုဏ်အရည်အချင်းမပြည့်သေးသရွေ့ ပရိနိဗ္ဗာန်မပြုသေးဘူးလို့ ငြင်းခဲ့တယ်။
မာရ်နတ်စိတ်ပျက်ပျက်နဲ့ ပြန်သွားတယ်။
ကြားကာလတွေမှာ ကြုံရင်ကြုံသလို နှောင့်ယှက်တယ်။
ဘုရားက မာရ်နတ်အပေါ်မှာရော ကျန်သတ္တဝါတွေအပေါ်မှာရော မေတ္တာထားတယ်။

အနှောင့်အယှက်တွေကို ဂရုမစိုက်ပဲ ဆက်လက် တရားပြတယ်။
သတ္တဝါတွေအပေါ်မှာ ကရုဏာထားပြီး တရားပြတယ်။
မာရ်နတ်နှောင့်ယှက်သမျှကို ဥပေက္ခာနဲ့ ခွင့်လွှတ်ပေးခဲ့တယ်။
(မာရ်နတ် မနှောင့်ယှက်နိုင်အောင် ချုပ်ထားတာပဲ ဖြစ်ဖြစ်
မလုပ်ရခြင်းအကြောင်း နောက်မှ ထင်ရှားပါလိမ့်မယ်)
ဘိက္ခုနီသာသနာအတွက် မိထွေးတော်ဂေါတမီတို့ ကြိုးစားနေချိန်မှာ
မာရ်နတ်မနှောင့်ယှက်ရတဲ့အကြောင်းကတော့ ဘိက္ခုနီသာသနာပေါ်မှ
ပရိသတ် ၄ပါးစုံမယ်။ ဒီပရိသတ်လေးပါးစုံပြီးမှ ဘုရားပရိနိဗ္ဗာန်ပြုမှာမို့
မနှောက်ယှက်ခဲ့တာပါ။
၃ ရဲ့ အဖြေပြီးပါပြီ။

ပရိနိဗ္ဗာန်မပြုခင် ၃လ အလိုမှာ တစ်ခါလာတောင်းပန်တယ်။
အရှင်ဘုရား အဋ္ဌမသတ္တာဟမှာပြောခဲ့တဲ့
ငါဘုရားမှာ ဘိက္ခု၊ ဘိက္ခုနီ၊ ဥပါသကာ၊ ဥပါသိကာ ပရိသတ် လေးပါးတို့က တရားတွေကို
- ပိုင်ပိုင်နိုင်နိုင်မဆောင်ရွက်နိုင်ကြသေးဘူးဆိုလျှင်
- သူတပါးကို မဟောပြောနိုင်သေးဘူးဆိုလျှင်
- ဆန့်ကျင်ဘက်လာပြောလို့မှ မနှိမ်နင်းနိုင်သေးဘူးဆိုလျှင်
ဂုဏ်အရည်အချင်းမပြည့်သေးသရွေ့
ပရိနိဗ္ဗာန်မပြုသေးဘူးဆိုတဲ့စကား မှတ်မိပါသလားဘုရား။
ယခုအခါတွင် အရှင်ဘုရား၌
ပရိသတ်လေးပါးမှာ ဘိက္ခုပရိသတ်သည် ဗုဒ္ဓတရားတော်ကို ပိုင်ပိုင်နိုင်နိုင်ဆောင်ရွက်မှတ်သား၍ သူတပါးတို့ကိုလည်း ဟောပြောနိုင်ပါပြီ။ ဆန့်ကျင်ဘက်ပြောလာသူတို့ကိုလည်း တရားသဖြင့်နှိမ်နင်းပြီး အကျိုးအကြောင်းနှင့်တကွ တရားကို ဟောပြနိုင်ပါပြီ
ပရိနိဗ္ဗာန်စံယူရန် အချိန်အခါ သင့်ပါပြီ။ ပရိနိဗ္ဗာန် စံတော်မူပါတော့ဘုရား။
ဘိက္ခုနီပရိသတ်သည် ဗုဒ္ဓတရားတော်ကို ပိုင်ပိုင်နိုင်နိုင်ဆောင်ရွက်မှတ်သား၍ သူတပါးတို့ကိုလည်း ဟောပြောနိုင်ပါပြီ။ ဆန့်ကျင်ဘက်ပြောလာသူတို့ကိုလည်း တရားသဖြင့်နှိမ်နင်းပြီး အကျိုးအကြောင်းနှင့်တကွ တရားကို ဟောပြနိုင်ပါပြီ
ပရိနိဗ္ဗာန်စံယူရန် အချိန်အခါ သင့်ပါပြီ။ ပရိနိဗ္ဗာန် စံတော်မူပါတော့ဘုရား။ ဥပါသကာပရိသတ်သည် ဗုဒ္ဓတရားတော်ကို ပိုင်ပိုင်နိုင်နိုင်ဆောင်ရွက်မှတ်သား၍ သူတပါးတို့ကိုလည်း ဟောပြောနိုင်ပါပြီ။ ဆန့်ကျင်ဘက်ပြောလာသူတို့ကိုလည်း တရားသဖြင့်နှိမ်နင်းပြီး အကျိုးအကြောင်းနှင့်တကွ တရားကို ဟောပြနိုင်ပါပြီ ပရိနိဗ္ဗာန်စံယူရန် အချိန်အခါ သင့်ပါပြီ။  ပရိနိဗ္ဗာန် စံတော်မူပါတော့ဘုရား။
ဥပါသိကာပရိသတ်သည် ဗုဒ္ဓတရားတော်ကို ပိုင်ပိုင်နိုင်နိုင်ဆောင်ရွက်မှတ်သား၍ သူတပါးတို့ကိုလည်း
ဟောပြောနိုင်ပါပြီ။ ဆန့်ကျင်ဘက်ပြောလာသူတို့ကိုလည်း တရားသဖြင့်နှိမ်နင်းပြီး အကျိုးအကြောင်းနှင့်တကွ တရားကို
ဟောပြနိုင်ပါပြီပရိနိဗ္ဗာန်စံယူရန် အချိန်အခါ သင့်ပါပြီ။
ပရိနိဗ္ဗာန် စံတော်မူပါတော့ဘုရား။
ဒီလိုမျိုး ပြည်စုံပုံပြပြီး ပရိနိဗ္ဗာန်စံဖို့ လျှောက်တယ်။
ဒီတော့ ဘုရားပရိနိဗ္ဗာန်စံဖို့ လာလျှောက်တာ ဒီမာရ်နတ်ပါပဲ။
ဘုရားပရိနိဗ္ဗာန်စံမယ့်ကိစ္စက ဘုရားရဲ့ကိစ္စသာဖြစ်ပါတယ်။
ဘယ်သူစံခိုင်းလို့မှလည်း မဟုတ်ပါဘူး။
ဒီအချိန်မှာ ဘုရားရဲ့သက်တော်ဟာ ၈၀အတွင်းကို
ချဉ်းနင်းဝင်ရောက်နေပြီ။၈၀ ပြည့်ဖို့ ၃လပဲ လိုတော့တယ်။ ဘုရားရှင်တိုင်းဟာ သက်တမ်းရဲ့ ၅ပုံ ၄ပုံမှာပဲ ပရိနိဗ္ဗာန်စံလေ့ရှိတယ်။
ဘုရားရှင်ရဲ့ ပစ္ဆိမသာဝကဖြစ်တဲ့ သုဘဒ္ဒပရဗိုဇ်ကလည်းနောက်သုံးလနေမှ ဉာဏ်ရင့်မယ်။တရားဟောလို့ရမယ်။လွန်ခဲ့တဲ့ ၇လတုန်းက
သေလောက်တဲ့ သွေးဝမ်းသွန်ရောဂါကို အာယုပါလကဖလသမာပတ်နဲ့
၁၀ လတာထိန်းတာကလည်း နောက်သုံးလဆို ပြည့်ပြီ။
ပရိနိဗ္ဗာန်စံယူလောက်အောင် ပြင်းထန်တဲ့ သွေးဝမ်းသွန်ရောဂါဟာလည်း ပြန်ပေါ်တော့မယ်။

ပြန်ပေါ်လာတဲ့ ရောဂါကို အာယုပါလကဖလသမာပတ်နဲ့ ပြန်ထိန်းချင်လည်းရတယ်။မထိန်းတော့ပဲ အနုပါဒိသေသ ပရိနိဗ္ဗာန်ဝင်စံလိုက်လည်းရတယ်။
အရင်က ဖလသမာပတ်သုံးပြီးရောဂါကိုထိန်းတာဟာ ပစ္ဆိမသာဝကကို
တရားဟောဖို့ မမီမှာစိုးလို့။အခုကပစ္ဆိမသာဝကကိုတရားဟောမီတဲ့အတွက် မထိန်းတော့ဘူး ပရိနိဗ္ဗာန်စံတော့မယ်။ဒီတော့ ဘုရားပရိနိဗ္ဗာန်စံတာ မာရ်နတ်ကြောင့်လည်း မဟုတ်ဘူး သူကရမဒ္ဒဝကြောင့်လည်းမဟုတ်ပါဘူး။
(သူကရမဒ္ဒဝကို ဝက်သားမဟုတ်ကြောင်း ကျမ်းများစွာတို့မှာ
ရှင်းလင်းထားတာတွေ့ရပါတယ်။ ပို့စ်နဲ့မဆိုင်လို့ မရေးတော့ပါဘူး)
မာရ်နတ်ကလည်း လာလာနှောင့်ယှက်နေတာ ဒီတစ်ယောက်တည်းပါ။
ပရိနိဗ္ဗာန်မစံခင် ၁၀လ အလို (အာယုသခါင်္ရမလွှတ်ခင် ၇လ အလို) ကတည်းကပရိနိဗ္ဗာန်စံစရာ ရောဂါဝေဒနာ သွေးဝမ်းသွန်မှု ဖြစ်နေပြီးဖြစ်ပါတယ်။အချိန်တန်ပြီမို့ ပရိနိဗ္ဗာန်စံကြောင်း သိလောက်ပါပြီ။

၎နဲ့ ၅ ရဲ့ အဖြေ ပြီးပါပြီ

[[သူကရမဒ္ဒဝဟာ သွေးဝမ်းသွန်စေခဲ့တာမဟုတ်ပဲ
သွေးဝမ်းသွန်လို့ လျော့သွားတဲ့အာဟာရ၊
ဆုတ်ယုတ်သွားတဲ့ခွန်အားတွေကို ပြန်လည်ဖြည့်တင်းပေးခဲ့တာပါ။
အကယ်၍သာ သူကရမဒ္ဒဝကို ကြိုတင်မှီဝဲထားခြင်းမရှိရင်
သွေးဝမ်းသွန်ပြီးချက်ချင်းတောင်ပရိနိဗ္ဗာန်စံသွားနိုင်ပါတယ်။
ခုတော့ သူကရမဒ္ဒဝရဲ့အာဟာရက
ကုသိနာရုံအထိခြေကျင်ကြွသသွားနိုင်ပါသေးတယ်။
သူကရမဒ္ဒဝကို သုံးဆောင်မိလို့ အာဟာရရှိပြီး နေနိုင်တာကို သူကရမဒ္ဒဝကြောင့်သွေးဝမ်းသွန်တယ်ထင်ရင်တော့ မှားပါလိမ့်မယ်။
ဒီသူကရမဒ္ဒဝဟာ ဘုရားမဖြစ်ခင် အာဟာရဖြည့်တင်းတဲ့ သုဇာတာရဲ့ ဃနာနို့ဆွမ်းလိုပဲအကျိုးကျေးဇူးကြီးမားကြောင်းပြောခဲ့ပါတယ်။ ]]
ဒီတော့ အကြောင်းစုံညီနေပြီဖြစ်တဲ့နောက် ၃လကို ဘုရားပရိနိဗ္ဗာန်စံတော့မှာဖြစ်လို့မာရ်နတ်က ပရိနိဗ္ဗာန်ပြုဖို့ လာလျှောက်ချိန်မှာ ဘုရားက -မာရ်နတ်ရေ ငါဘုရားပရိနိဗ္ဗာန်ပြုမယ့်
ကိစ္စမှာ မင်းကြောင့်ကြစိုက်မနေနဲ့တော့
နောက် ၃လနေရင် ငါဘုရား ပရိနိဗ္ဗာန်ပြုတော့မယ်။
ဒီလိုပြောပြီး အာယုသခါင်္ရကိုလွှတ်လိုက်ပါတော့တယ်။
ဒီလို အာယုသခါင်္ရကို လွှတ်လိုက်တဲ့အခါမှာ ကြောက်စရာကောင်းကြက်သီးမွေးညှင်း
ထလောက်အောင် မြေငလျင်အကြီးအကျယ်လှုပ်တယ်။
မိုးတွေချုန်း လျှပ်စီးတွေ လက်တယ်။
မြတ်စွာဘုရားကိုယ်တော်တိုင်တော့ ပရိနိဗ္ဗာန်ပြုဖို့ နီးကပ်ပြီမို့
နှစ်သက် ဝမ်းမြောက်တဲ့ ပီတိနဲ့ ဥဒါန်းကျူးတော်မူးပါသေးတယ်။

ဥဒါန်း --
လောကသုံးဘုံ အလုံးစုံကို အကုန်သိမြင် ဘုရားရှင်သည် အကျိုးတရား အစားစား၏ ဖြစ်ပွားရာလည်းဖြစ်ထသော အသစ်တဖန် ဘဝကိုစီမံတတ်သည်လည်း ဖြစ်ထသော ချိန်ခွင်ပမာဉာဏ်ပညာဖြင့် ကောင်းစွာပိုင်ပိုင် မချိန်နိုင်သော မဟဂ္ဂုတ်ကံကိုလည်းကောင်း မဂ်အရဟတ္တ ရတုံးကပင် လုံးဝမငဲ့ စွန့်လွှတ်တော်မူခဲ့ပြီ၊ သူရဲကောင်းကြီးသည် စစ်ဝတ်တန်ဆာကို ဖျက်ဆီးလိုက်သကဲ့သို့ ထို့အတူ မိမိသန္တာန်၌မွေ့လျော်တော်မူသော ဗုဒ္ဓမြတ်စွာသည် မိမိသန္တာန်၌ အဖန်ဖန်ဖြစ်သောကိလေသာကို ဖျက်ဆီးတော်မူပြီ။
လင်္ကာ ။ ။ မုနိ ထွဋ်တင် ဘုရားရှင်သည် များဖြင်အချိုး အမျိုးမျိုးဟု ကောင်းဆိုးနှစ်ပြင် ပေးစွမ်းအင်ကို ချိန်ခွင်ပမာ ဉာဏ်ပညာဖြင့် ကောင်းစွာလှလှ ချိန်၍ရသည့် တုလမည်ငြား ကာမာဝစရကံ တရားကိုလည်းကောင်း ချိန်ခွင်ပမာ ဉာဏ်ပညာဖြင့် ကောင်စွာပိုင်ပိုင် မချိန်နိုင်မှု အကြောင်းပြု၍ အတုလမည်ငြား မဟဂ္ဂုတ်ကံတရားကိုလည်းကောင်း ။မဂ် အရဟတ္တ ရတုန်းကပင်
လုံးဝမငဲ့ စွန့်လွှတ်ခဲ့၍ တကယ့်စစ်ပွဲ နိုင်အောင်နွှဲသည့် သူရဲခေါင်အုပ် စစ်ဗိုလ်ချုပ်သည် ဖွဲ့တုပ် စစ်ဝတ် အားလုံးချွတ်သို့ ဝဋ်ကိလေသာ အဖြာဖြာကို ကောင်းစွာ ဖျက်ဆီး အားလုံးပြီးသည် .....
အေးကြီး အေးရပြီ တကား။
မြတ်စွာဘုရား ဥဒါန်းကျူးသလိုပဲ မာရ်နတ်ကလည်း ပျော်ပြီး
ထွက်သွားတယ်။ဒီ ၃လအတွင်းမှာ အရှင်သာရိပုတ္တရာနဲ့
အရှင်မောဂ္ဂလာန် အဂ္ဂသာဝကကြီး ၂ပါးရှေ့ဆင့်နောက်ဆင့် ပရိနိဗ္ဗာန်ပြုကြပါတယ်ည အရှင်မောဂ္ဂလာန်
ကိုယ်တော်မြတ်ကြီး ပရိနိဗ္ဗာန်မပြုခင် အခါတပါးက
တစ်ကိုယ်တည်း နေနေတုန်း မာရ်နတ်က ဝမ်းထဲကို ဝင်ရောက်နှောင့်ယှက်တယ်။

မထေရ်မြတ်ဝမ်းက မသာမယာဖြစ်လာလို့ အစာအာဟာရကြောင့်လားဆိုပြီး
လမ်းထလျှောက်တယ်။ တန်ခိုးတော်နဲ့လည်း ကြည့်တယ်။
ဒီတော့မှ မာရ်နတ်ဝင်နေတာသိပြီး မာရ်နတ်ကို ထွက်ခိုင်းတယ်။
မာရ်နတ်က ငါ့ကိုမြင်သွားပြီဆိုပြီး ဝမ်းထဲက ထွက်လာရတယ်။
တန်ခိုးပြင်းထန် အရှင်မောဂ္ဂလာန်ရဲ့စကားကို အာခံဖို့လည်း မဖြစ်နိုင်ဘူး။
အပြင်ထွက်ပြီးခပ်လှမ်းလှမ်းမှာ ကိုယ်ဖျောက်ရပ်နေတယ်။
အရှင်မောဂ္ဂလာန်က မင်းကို ငါမြင်ရသေးတယ်လို့ပြောပြီး
ဒီမယ်မာရ်နတ် ငါလည်း အရင်ကမာရ်နတ်ဖြစ်ခဲ့ဖူးတယ်။
ဒီတော့မာရ်နတ် စိတ်ဝင်စားသွားတယ်။
ငါ့ရဲ့နာမည်က အဲ့ဒီတုံးက ဒုဿီလို့ခေါ်တယ်။
အဲ့တုန်းက ငါ့နှမဟာ အခု မင်းအမေပဲ။
ဒီတော့မင်းနဲ့ငါဟာ တူအရီးတော်တယ်။

ဒီလိုပြောလိုက်တော့ မာရ်နတ် သူ့ဦးလေးမှန်းလည်းသိသွားရော
နှလုံးသားက နူးညံ့ပျော့ပြောင်းသွားတယ်။
ဒီအချိန်မှာမှ မထေရ်မြတ်က ငါမာရ်နတ်ဖြစ်ခဲ့တုန်းကလည်း
ဘုရားနဲ့ သံဃာတွေကိုစော်ကားခဲ့လို့ စုတိပြတ်ကြွေသေလွန်တဲ့အခါ
အဝိစိငရဲကို ကျဆင်းခံခဲ့ရတယ်။ မင်းလည်း ဘုရားနဲ့ သံဃာတွေကို
ဆက်ပြီးပြစ်မှားနှောင့်ယှက်နေဦးမယ်ဆိုရင် ငါ့တုန်းကလိုပဲ
အပယ်ကျလိမ့်မယ်လို့ ရှင်းပြလိုက်တယ်။
မာရ်နတ် အသိတရားဝင်သွားတယ်။
သူဒီအတိုင်းဆက်သွားရင် ငရဲကျမှာလည်းကြောက်လာတယ်။
သူမှားခဲ့သမျှကိုလည်း နောင်တရလာတယ်။
သတ္တဝါတွေ သံသရာဝဋ်က မလွတ်အောင်သူကြိုးစားခဲ့တာတွေကို
နောင်တရပြီး အရှင်မောဂ္ဂလာန်ရဲ့တရားတိုတိုလေးနဲ့ မဂ်ဉာဏ်ဖိုလ်ဉာဏ်
ရလောက်ပါရဲ့နဲ့ သာဝကဗောဓိဉာဏ်မယူတော့ပဲ။
သတ္တဝါတွေကိုပါ သံသရာဝဋ်က ခေါ်ထုတ်နိုင်တဲ့ သမ္မာသမ္ဗောဓိဆုကို ပန်ခဲ့တယ်။
ပြီးတော့သူနေတဲ့ ပရနိမ္မိတ၀သ၀တ္တီနတ်ပြည်ကို ပြန်သွားခဲ့ပါတယ်။
ပါရမီပေါင်းများစွာဖြည့်ကျင့်ပြီး လောကသတ္တဝါတွေကို ဘုရားတစ်ဆူအနေနဲ့
ချေချွတ်ပါလိမ့်ဦးမယ်။ လက်ရှိတော့ ၀သ၀တ္တီနတ်ပြည်မှာပါ။
၆ ရဲ့ အဖြေပြီးပါပြီ

ဘုရားကမာရ်နတ်ကို မနှောင့်ယှက်အောင်ချုပ်ထားတာပဲဖြစ်ဖြစ်
ဘာလို့တစ်ခုခု မလုပ်သလဲကို သိလောက်ပါပြီ။
သူ့ဦးလေးဟောင်းက ဆုံးမမှ ရမှာကြောင့်ကတစ်ကြောင်း
တန်ခိုးနဲ့ဆုံးမရင် မာစ်နတ်က မနိုင်မှန်းသိလည်း သူချကိုယ်ချကွာဆိုပြီး
ပြန်ချနေရင် အကျိုးယုတ်မှာ စိုးတာကြောင့်ကတစ်ကြောင်း
ဘုရားဆုပန်မယ့် ဆန္ဒဖြစ်ဦးမယ့် ဥပနိဿယကို မြင်တာက တစ်ကြောင့်
စတာတွေကြောင့် အစောပိုင်း နှောင့်ယှက်သမျှကို မေတ္တာ၊ ကရုဏာ၊ ဥပေက္ခာတွေနဲ့
သည်းခံခဲ့တာပါ။
၇ ရဲ့ အဖြေ ပြီးပါပြီ

မာရ်နတ်ကိုအရှင်မောဂ္ဂလာန်ဆုံးမနိုင်ခဲ့တဲ့အတွက် အရှင်ဥပဂုတ်ဆုံးမတယ်ဆိုတာလုံးဝ မဖြစ်နိုင်တော့ပါဘူး။ နောက်တစ်ချက်က အရှင်ဥပဂုတ်ဆိုတာ
မဟာယာန အနွယ်ဝင် စိတ်ကူးယဉ်ဇာတ်လမ်းတစ်ပုဒ်ပါ။
၈ ရဲ့ အဖြေ ပြီးပါပြီ။

တစ်ခါက စွန်းလွန်းဆရာတော်ကြီးကို ပရိနိဗ္ဗာန်ပြုဖို့ နတ်တစ်ပါးက လာလျှောက်ဖူးတယ်။
အရှင်ဘုရား အာယုသခါင်္ရလွှတ်ပါတော့ ဘုရားတဲ့
ဆရာတော်ကြီးက မလွှတ်ဘူးကွာဆိုပြီးငေါက်ထုတ်လိုက်တော့
သတ္တဝါတွေတော့ အကျွတ်တရားရကြလိမ့်ဦးမယ်ကွာဆိုပြီး
စိတ်ပျက်လက်ပျက် ပြန်သွားတယ်တဲ့။
ဆရာတော်ကြီးဘေးနားက တပည့်တွေက အဲ့ဒါမာရ်နတ်ဖြစ်လိမ့်မယ်လို့ပြောတော့
ဆရာတော်ကြီးက အဘိညာဉ်နဲ့ လိုက်ကြည့်ပြီးပြန်ပြောတယ်။
မာရ်နတ်မဟုတ်ဘူးကွ။ အောက်ကနတ်သေးနတ်မွှားလေးပါပဲ
မာရ်နတ်ကြီးက လိမ္မာနေပါပြီကွာ တဲ့

ကိုးကားသောကျမ်းစာအုပ်များ>>>>>

(၁) မဟာဂန္ဓာရုံဆရာတော်ရဲ့ နောက်ဆုံးဆယ်လမြတ်ဗုဒ္ဓ
(၂) မင်းကွန်းဆရာတော်ကြီးရဲ့မဟာဗုဒ္ဓဝင်
(၃) ကျီးသဲလေးထပ်ဆရာတော်ရဲ့ ဇိနတ္ထပကာသနီ
(၄) တည်တောဆရာတော်ရဲ့ ဗုဒ္ဓဝါဒဆိုင်ရာအမေးအဖြေများ
(၅) စွန်းလွန်းအမေးအဖြေများနဲ့
(၆) ဒေါက်တာမင်းတင်မွန်တက္ကသိုလ်အဘိဓမ္မာပေါင်းချုပ်

ရေးသားပူဇော်သူ >> အကုသလပုတ္တ
နှလုံးသား အာဟာရမှ ကူးယူပါသည်..။